ତୁମେ ଥିଲ ମୋର
ତୁମେ ଥିଲ ମୋର
ତୁମେ ଥିଲ ମୋର ଆଗାମୀ ଭବିଷ୍ୟ କାହିଁଗଲ ତୁମେ ଚାଲି
ବହୁ ପରକାରେ ଚିନ୍ତାରେ ବୁଡିଲି କହି ନ ପାରିଲି ଖାଲି ।
ତୁମେ ମୋର ଥିଲ ଶତ ସାହସିକ ପ୍ରାଣ ଉତ୍ସବୀର ହୋଇ
ଯିଏ ଯେତେ କିଛି କହିଲେ କହିଲ ନୀରବ ରୁହତ ଯାଇ ।
ନିଜ ଉଦ୍ୟମରେ କର୍ମକ୍ଷେତ୍ରେ ନିଜ ଦକ୍ଷତା ପାରିଲ ସାରି
ତୁମେ ଥିଲ ମୋର ଆଗାମୀ ଭବିଷ୍ୟ କାହିଁଗଲ ତୁମେ ଚାଲି ।
ଦୁଃଖ ବୋଲି କେବେ ଜାଣି ନଥିଲି ମୁଁ ଏବେ ହେଲି ବେଶୀ ଘାରି
କହୁଥିଲ ଖାଲି କିପରି କାହିଁକି ମନକୁ ଆସୁଛି ଫେରି ।
ସବୁବେଳେ ଖାଲି ଭଲ ଭଲ କଥା ବାଢୁଥିଲ କିମ୍ପା କହି
ଆଗରୁ ସତେକି ସବୁ କଥା ଜାଣି ରହିଥିଲ ବାଟ ଚାହିଁ ।
କିପରି କହିବି କାହାକୁ ଡାକିବି ବାତୁଳ ପରାୟେ ହେଲି
ବହୁ ପରକାରେ ଚିନ୍ତାରେ ରହିଲି କହି ନ ପାରିଲି ଖାଲି ।
ଯାହା ଯାହା ସବୁ କ୍ଷଣେ ଘଟିଗଲା ଭାଗ୍ୟରେ ନ ଥିଲା ଡୋର
ଗଲାବେଳେ କେତେ ସୁନ୍ଦର ଦିଶିଲ ଯିବା ପାଇଁ ସ୍ଵର୍ଗପୁର ।