ତୁମେ ମୋ ପ୍ରେମ

ଛନ୍ଦି ଦେଲ ତୁମେ  ପ୍ରେମର ଛନ୍ଦରେ

    ହୋଇଗଲି ମୁହିଁ ବନ୍ଦୀ,

ଝରଣା ଗାଉଛି    କୁଳୁକୁଳୁ ନାଦେ

    ଖୁସିରେ ନାଚୁଛି ନଦୀ।।

ବିହଙ୍ଗ ଉଡୁଛି    ଡେଣା ଝାଡି ଝାଡି

     ପାଇକି ଠିକଣା ତାର,

ପ୍ରେମର ରାସ୍ତାରେ ପାଦଦେଇ ମୁଁ ଯେ

     ଭୁଲିଗଲି ପଥ ମୋର।।

ତୁମକୁ ପାଇ ମୁଁ    ସ୍ବାର୍ଗ ପାଇଗଲି

    ତୁମେ ମୋର ପାରିଜାତ,

ତୁମ ହାତ ସ୍ପର୍ଶେ   ଜୀବନ ପାଇଲି

   ଅପୂର୍ବ ପ୍ରେମ (ସେ) ଅଦ୍ଭୁତ।।

ତୁମେ ମୋର ସ୍ୱର ତୁମେ ମୋ ସଙ୍ଗୀତ

  ତୁମେ (ମୋ) ବୀଣାର ଝଙ୍କାର,

ତୁମେ ମୋର ଜ୍ୟୋତି ତୁମେ ମୋର ସ୍ମୃତି

   ତୁମେ (ମୋ) ପ୍ରେମ ହୃଦୟର।।