ତୁମେ ମୋ ମଧୁର ତାନ

ତୁମେ ଶୁଭ୍ର ଶ୍ୱେତ ଆଲୋକ କିରଣ

ମୋ ଜୀବନ ଧ୍ରୃବତାରା

ଝଟକ ମନରେ ହୃଦୟ ଆକାଶେ

ତୁମେ ମୃତ୍ୟୁ କ୍ଳାନ୍ତି ହରା ।

ସରଳ କୋମଳ ଚାରୁ ଚନ୍ଦ୍ର ହାସ୍ୟ

ତୁମେ ଶାନ୍ତି ସୁଧାନୀର

ତୁମେ ମଧୁମାସ ସୁଗନ୍ଧ ସୁବାସ

ମଳୟ ମୃଦୁ ସମୀର ।

ତୁମ ସ୍ନିଗ୍ଧ ଜ୍ୟୋତି ବିମଳ ସରାଗ

ଅନାବିଳ ସ୍ନେହପ୍ରେମ

ଉନ୍ମେଷେ ଜୀବନ ଉତ୍ସାହ ଆନନ୍ଦ

ଇନ୍ଦ୍ରଧନୁ ସପ୍ତରଙ୍ଗ ।

ମମତା ନିର୍ଝର ସୁନ୍ଦର ପ୍ରକୃତି

ତୁମେ ମଧୁଝରା ସ୍ୱପ୍ନ

ପ୍ରିୟତମା ତୁମେ ପ୍ରଫୁଲ୍ଲ ସୁମନ

ତୁମେ ମୋ ମଧୁର ତାନ ।