ତୁମେ ଗଲା ପରେ
ତୁମେ ଗଲା ପରେ
ତୁମେ କାଲି ମୋ ପାଇଁ ଥିଲ ଆଜି ବି ମୋ ପାଇଁ ଅଛ
ହେଲେ ଫରକ୍ ଏତିକି
ଆଜି ମୁଁ ତୁମ ସାମ୍ନାରେ ଅଛି ତୁମ ଭିତରେ ନାହିଁ ।
କାଲି ବି ମୋ ସହ କଥା ହେଉଥିଲ ଆଜି ବି ହେଉଛ
ହେଲେ ଫରକ୍ ଏତିକି
କାଲି କଥା ହୃଦୟର ଥିଲା ଆଜି ମୁହଁର ।
କାଲି ମୋ ଗପ କବିତା ରେ ତୁମେ ଥିଲ ଆଜି ବି ଅଛ
ହେଲେ ଫରକ୍ ଏତିକି
କାଲି ଥିଲା ପ୍ରେମ ରଙ୍ଗେ ରଙ୍ଗାୟିତ ଆଜି ବିରହ ର ବହ୍ନି ।
କାଲି ଆଖିରେ ଲୁହ ଆସୁଥିଲା ଆଜି ବି ଆସୁଛି
ହେଲେ ଫରକ୍ ଏତିକି
କାଲି ତୁମର ସାନ୍ତ୍ଵନା ଥିଲା ଆଜି ତୁମର ରାଗ ବି ନାହିଁ ।
କାଲି ଓଠରେ ହସ ଆସୁଥିଲା ଆଜି ବି ଆସୁଛି
ହେଲେ ଫରକ୍ ଏତିକି
କାଲି ତୁମ ସହ ହସୁଥିଲି ଆଜି ତୁମ ସ୍ମୃତି ସହ ।
କାଲି ଫଟୋ ଦେଖୁଥିଲି ତୁମର ଆଜିବି ନୀତି ଦେଖୁଛି
ହେଲେ ଫରକ୍ ଏତିକି
କାଲି ଓଠରେ ହସ ଭରିଥିଲା ଆଜି ଆଖିରେ ଲୁହ ।
କାଲି ତୁମ ପାଇଁ ମଥା ନୋଉଁଥିଲା ଆଜି ବି ନୋଉଁଛି ମନ୍ଦିରେ
ହେଲେ ଫରକ୍ ଏତିକି
ମଙ୍ଗଳ କାମନା ଆମର ଥିଲା ଆଜି ଶୁଭ ମନାସୁଛି ତୋ ପାଇଁ ।
କାଲି ପ୍ରତୀକ୍ଷାରେ ଥିଲି ତୁମର ଆଜିବି ରହିଛି ଚାହିଁ କି
ହେଲେ ଫରକ୍ ଏତିକି
କାଲି ଫେରି ଆସୁଥିଲ ମୋ ପାଇଁ ଆଜି ଆଉ ଫେରିବନି କେବେ ।
ପରମେଶ୍ବର ଓଝା
ଦୁତୀଆଳ, ପୁରୁଷୋତ୍ତମପୁର,
କେନ୍ଦ୍ରାପଡ଼ା - ୭୫୪୨୨୩