ତୁମେ ଚାହିଁଲନି ଫେରି
ତୁମେ ଚାହିଁଲନି ଫେରି
ଶୀତ ଆସିଗଲା
ବସନ୍ତ ଫେରିଲା
ଗ୍ରୀଷ୍ମ ବି ଗଲା ଚାଲି,
ପ୍ରତ୍ୟାବର୍ତ୍ତନର
ଦିନ ଗଣୁଥିଲା
ଶ୍ରାବଣ ମାସର ଝଡି |
ସମସ୍ତେ ଫେରିଲେ
ନିଜ ନିଜ ପୁରେ
ତୁମେ ଚାହିଁଲନି ଫେରି,
ପ୍ରତୀକ୍ଷାରତ ମୁଁ
ଦିନ ଯା ଗଣୁଛି
ତୁମରି ପଥକୁ ଚାହିଁ |
ଜାଣିଛି ମୁଁ ଏହା
ନିରାଟ ସତ୍ୟ
ତୁମେ ଫେରିବନି ଆଉ,
ତଥାପି ଏ ମୋର
ଅବୁଝା ମନଟି
ମାନେ ନାହିଁ କାହିଁ ପାଇଁ |
ସବୁ ଆଶା ଦେଇ
ବିଫଳ କରିଲ
ସବୁ ସ୍ବପ୍ନ ପୁଣି
କଲ ଅସଫଳ ,
ଭଗ୍ନକଲ ତୁମେ
ଦେଇ ପ୍ରତିଶ୍ରୁତି
ଉଙ୍କି ମାରୁଥିବା ସେ ଶୁଭ ମୁହୂର୍ତ୍ତ
ହୋଇଗଲା ଅବସାନ ,
ସବୁ କିଛି ହେଲା
ଓଲଟ ପାଲଟ
ମନେ ଦେଇଗଲ ମୋର
କେତେ ଅଭିମାନ |