ଏକ ଅକୁହା ମନର କାହାଣୀ
ଏକ ଅକୁହା ମନର କାହାଣୀ
ଅସୁମାରି ସୁଖ,ଅସରନ୍ତି ଆଶା ଆଉ ରଙ୍ଗୀନ ସ୍ଵପ୍ନକୁ ଆଖିରେ ରଖି
ସାଜିଥିଲା ସେ ତାଙ୍କ ସହଧର୍ମିଣୀ ।
ଧରିଥିଲା ଯାର ହାତ,ସେ ଥିଲେ ଅଚଳାଚଳ ସଂପତ୍ତିର ମାଲିକ,
ହୋଇଥିଲା ତାଙ୍କ ଅର୍ଦ୍ଧାଙ୍ଗିନୀ ।
ମାତ୍ର ସୁଖ ବଦଳରେ ପାଇଥିଲା ସେ ଅନେକ ଯନ୍ତ୍ରଣା,
ଯାହାକୁ ଲୁଚାଇରଖି ସାଜିଥିଲା ସେ ତାଙ୍କ ପ୍ରଣୟିନୀ ।
ଆଉ ଅନେକ ଦୁଃଖକୁ ଚାପି ରଖି ଅଙ୍ଗେ ନିଭେଇଥିଲା ସେହି ମୃତାହତ କାହାଣୀ ।
ସମସ୍ତ ସଂପଦରେ ଭରପୁର ସେହି ପ୍ରାସାଦରେ ନଥିଲା କେବଳ
ସ୍ୱାମୀର ସ୍ନେହ ବୋଳା କଥା ପଦକ ।
ନଥିଲା ପୁଣି ପ୍ରେମର ଝଲକ ପୁଣି ଦେଖି ନାହିଁ ଦିନେ ଅନ୍ତରଖୋଲା ହସ ଟିକକ ।
ମାତ୍ର ! ପ୍ରତି ବଦଳରେ ହୃଦୟର ସମସ୍ତ ପ୍ରେମକୁ ଢାଳିଥିଲା ତାଙ୍କରି ପୟରେ, ହୃଦୟର ସମସ୍ତ ସ୍ନେହକୁ ଅର୍ପି ଥିଲା ତାଙ୍କରି ପାଖରେ ।
ମାତ୍ର ଜୀବନଟା ହୋଇ ଉଠିଥିଲା ହା ହା କାର ।
ତଥାପି ସେ ଲୁଚାଇ ରଖିଥିଲା , ସ୍ୱାମୀର ସେହି ନିର୍ଯ୍ୟାତନାଭରା କାହାଣୀ ଟିକକ ।
କାରଣ ସେ ଥିଲା ସେହି ଭାରତୀୟ ନାରୀର ନିର୍ଦ୍ଦଶକ ।