ରାତ୍ରି ର ରୂପସୀ ରାଣୀ

କିଏ କହେ ତୁମେ ନୁହେଁ ତ ରୂପସୀ ତୁମେ ତ ତମସା ରାଣୀ,  

ତୁମରି ଗୁଣରେ ଭରିଯାଏ ମନ ବିଷାଦ ପାରେନା ଆଣି ।

 ରୂପ ଦେଖି ମନ ପାଗଳ କାହିଁକି ପାରେନାହିଁ ଗୁଣ ଚିହ୍ନି , 

ଗୁଣର ମହିମା ରୂପଠାରୁ ବଡ ମନ ହୋଇଯାଏ କିଣି । 

ଦିବସରେ ଯେବେ ଆସିଯାଏ କ୍ଳାନ୍ତି ନିଅ ତୁମେ କୋଳ କରି, 

ଅବସାଦ ଭରା ବିଷର୍ଣ୍ଣ ମୁଖରେ ଦେଉଥାଅ ହସଭରି ।

ତୁମରି ଗୁଣରେ ବଶୀଭୂତ ହୋଇ ଦିବସ କୁ ପର କଲି ,

କାଳିମା ତୁମର ଶତଗୁଣେ ଭଲ ଦିବସ ନୁହେଁ ତା ସରି ।

ଅସୀମ ସାଗର ମନରେ ତୁମର ସବୁ ଗ୍ଳାନି ଯାଏ ଧୋଇ ,

ଆକାଶ ଠୁଁ ବଡ ହୃଦୟରେ ତୁମ ରଖ ସ୍ଥାନ ମୋର ପାଇଁ ।