ତୁମେ ଆସିବ ନିଶ୍ଚୟ

ଶୂନଶାନ ଦ୍ୱିପ୍ରହର ହେଉ

ଅବା ନିସ୍ତବ୍ଦ ରାତି

ମନରୁ ମନାତୀତ ହୋଇ

ତୁମ କଥା ଭାବି ଭାବି

ମନ ଆଇନାରେ ତୁମକୁ ଦେଖେ

ସକାଳ ଓ ସଂଜେ ନିତି |

ଭଲପାଏ ବୋଲି

ଏମିତି ବାନ୍ଧିଚି ମନକୁ ତୁମ ସହ,

ପୂଜା କରୁଛି ବୋଲି

ତୁମେ ହୃଦୟରେ ଦେବତା ମୋର |

ତୁମେ ଆଶିଲେ ହିଁ

ମୋ ଦେହେ ଫୁଟିବ ଫୁଲ

ମୋ ଓଠରୁ ଝରିବ ହସ

ମନ ପକ୍ଷୀ ଗାଇବ ଗୀତ

ମୌସୁମୀ ମୋ ସାଙ୍ଗେ ବସିବ ମିତ

ପାଖେ ପାଖେ ରହିବ ବସନ୍ତ |

ତୁମେ, ପାଖେ ନଥିଲେ ବି

ମୋ ଭିତରେ, ବାହାରେ ଥାଅ

ତୁମରି ମାୟାରେ ଆଚ୍ଛନ୍ନ ମୁଁ

ତୁମକୁ ଦେଖେ ସ୍ଵପ୍ନ,

ତୁମ ଆସିବା ଯାଏଁ

ଆସିବାର ପ୍ରତିଟି ମୁହୂର୍ତ୍ତକୁ

ଚାହିଁ ରହିଥିବି ବର୍ଷ ବର୍ଷ|

ତୁମେ ଏବେ କୃଷ୍ଣ ଉଚ୍ଚାରଣ

ତୁମେ ମୁକ୍ତାଟିଏ ମୋ ଶାମୁକାର

ତୁମକୁ କରିଛି ପ୍ରତୀକ୍ଷା

ତୁମେ ଆସିବ ନିଶ୍ଚୟ|

**********************