ଲାଇବ୍ରେରୀ
ପ୍ରୋଫାଇଲ୍
ତୁମ ପରି ହେବି
ତୁମ ପରି ହେବି
1 min
296
ସାଗର ପରିକା ହୋଇବି ଦିନେ ମୁଁ
ସଭିଙ୍କୁ ନିଜର କରି
ନଦୀ ପରି ହୋଇ ବୋହୁଥିବି ନିତି
ବାନ୍ଧି ସେନେହର ଡୋରି
ସୂର୍ଯ୍ୟ ସମ ହୋଇ ସକାଳୁ ଉଠି ମୁଁ
ନୂଆ ଆଶା କେତେ ବାଣ୍ଟିବି
ପାହାଡ଼ ପରିକା ହୋଇ ପୁଣି ମୁହିଁ
ବିପଦରେ ଟାଣ ରହିବି
ଫୁଲ ହୋଇ ଦିନେ ଫୁଟିବି ମୁଁ ଦିନେ
ମହକାଇ ଦେବି ସାରା ସଂସାର
ପଥର ପରିକା ଦୃଢ଼ ହେବି ମୁହିଁ
ଶତ୍ରୁକୁ ନଥିବ ତିଳେହେଁ ଡର
ଆକାଶ ପରିକା ହେବାକୁ ଚାହେଁମୁଁ
ତାରା ଜହ୍ନ ପରି ହସିବି
ଦୁନିଆକୁ ନୂଆ ଆଲୋକ ଦେଖାଇ
ଦୂର କରିବି ମୁଁ ସବୁ ଅନ୍ଧାର
