ତୁମ ପାଶେ ମୋର ମନ

ଆଖୁ ବାଡ଼ି ଖସ ଖସ ,

ଆସ ପ୍ରାଣ ଧନ ଦୋଳିରେ ବସ

ଦୋଳିରେ ବସ ଗୋ 

   ମନକୁ କରି ହରଷ

ସରଗରେ ରୁପା ଜହ୍ନ ,

ତୁମ ପାଶେ ମୋର ରହିଛି ମନ

ରହିଛି ମନ ଗୋ

    ଦିଅ ଖଣ୍ଡେ ଖିଲି ପାନ

ଗଛରେ ପାଚିଲା ବେଲ ,

ସତେ ଯେବେ ମୋତେ ପାଉଛ ଭଲ

ପାଉଛ ଭଲ ଗୋ

     ଆଣିଦେବ ବାସ ତେଲ

ନଈରେ କଙ୍କଡ଼ା ଗାତ ,

ଦେଖାଇ ନେବଟି ଏ ସନ ଯାତ

ଏ ସନ ଯାତ ଗୋ

   ଧରିକରି ମୋର ହାତ

ପଞ୍ଜୁରୀ ଭିତରେ ଶାରୀ ,

ଡାକୁ ଅଛି ଆମ ନାମକୁ ଧରି

ନାମକୁ ଧରି ଗୋ

   ମହତ ଦେବ କି ସାରି

ପୋଖରୀ ଭିତରେ କଇଁ ,

ଜନମ ନେଇଛି ତୁମରି ପାଇଁ

ତୁମରି ପାଇଁ ଗୋ

   ପର କରି ଦେବ ନାହିଁ