ତୁମ ବିନା ନିଃସ୍ୱ ମୁହିଁ

ହେ ଗୁରୁ ତୁମେ ମଙ୍ଗଳମୟ

ତୁମ ବିନା ନିଃସ୍ୱ ମୁହିଁ

ମୋ ଜୀବନ ପଥ ନାବିକ ଗୋ ତୁମେ

ତୁମ ବିନା ମୁକ୍ତି କାହିଁ ।।

ହେ ଗୁରୁ ତୁମେ ମଙ୍ଗଳମୟ......

ତୁମେ ବ୍ରହ୍ମା ବିଷ୍ଣୁ ତୁମେ ଆଶୁତୋଷ

ତୁମେ ଆଲୋକ ଦିଶାରୀ

ଜ୍ଞାନର ମଶାଲ ପ୍ରଜ୍ବଳିତ କର

ଅଜ୍ଞାନ ମନୁ ହଟାଇ ।।

ହେ ଗୁରୁ ତୁମେମଙ୍ଗଳମୟ........

ତୁମେ ମାତା ପିତା ତୁମେ ବନ୍ଧୁ ସଖା

ତୁମେ ମୋ ଜୀବନ ସାଇଁ

ମୋ ଜୀବନ ପଥ ଆଲୋକିତ କର

ସାଜିଣ ଜଷ୍ଟି ମୋ ପାଇଁ ।।

ହେ ଗୁରୁ ତୁମେମଙ୍ଗଳମୟ........

ତୁମରି ଆଶିଷେ ରହିଛି ଧରାରେ

ଆସିଛ ତୁମେ ମୋ ପାଇଁ

ତୁମ ନାମ ଗାଇ ବିତିଯାଉ ଦିନ

ଆଉ କିଛି ମାଗୁ ନାହିଁ ।।

ହେ ଗୁରୁ ତୁମେ ମଙ୍ଗଳମୟ.....