ତୁମ ଆଖି

ଖୁବ ପାଖରୁ ଦେଖିଛି 

ତୁମର ସେ ଦୁଇ ନିରୀହ ଆଖିକୁ

ପ୍ରତି ମୁହୂର୍ତ୍ତରେ ପଡୁଥିଲା 

ତୁମ ଆଖିର ପଲକ 

କିଛି ଆଶା ଥିଲା 

ଆଉ କିଛି ସ୍ବପ୍ନ ବି ଥିଲା, 

ତୁମ ଢଳ ଢଳ ଆଖି 

କିଛି କଥା ମଧ୍ୟ କହୁଥିଲା,

କିନ୍ତୁ ମୁଁ ଚାହିଁଥିଲି ତୁମର ଆଖିକୁ 

ମୋର ଅପଲକ ନୟନରେ 

ଆଉ ପଢ଼ିଥିଲି ସେଇ 

ପ୍ରେମର ଅପୂର୍ବ କାହାଣୀ 

ଯାହା ଲେଖିଥିଲ ତୁମେ 

ପ୍ରେମର ରଙ୍ଗ ଅବିର ଦେଇ

ତୁମର ଦୁଇ ଟୋପା ଲୁହରେ ।

ବହୁଥର ବୁଝେଇବାକୁ 

ଚେଷ୍ଟା ମୁଁ କରିଛି 

ହେଲେ ବୁଝେଇ ପାରିନି 

ମୋର ଏଇ ଅବୁଝା ମନକୁ ।

ରୋକିବାକୁ ଚାହିଁଲେବି 

ରୋକି ମୁଁ ପାରିନି, 

ଅଟକାଇବାକୁ ଚାହିଁଲେବି 

ଅଟକାଇ ମୁଁ ପାରିନି, 

ତୁମର ସେଇ ଦୁଇ ଆଖିକୁ 

ଦେଖିବା ପାଇଁ 

ମୋର ଏଇ ଦୁଇ ଆଖିକୁ ।