କବିତା

କବିତା କେବେ ନୁହେଁ କିଛି ଶବ୍ଦର ସମାହାର

କବିତା କେବେ ନୁହେଁ ଏକ ସୁରିଲା ଝଙ୍କାର 

କବିତା କେବେ କବିର ଅନନ୍ୟ ସୃଷ୍ଟି

ଆଉ କେବେ କବିତା ସାଜେ କବିର ପ୍ରୀତି l

କେବେ କବିତା କବି ଭିଜା ଆଖିର ଦୁଇ ଟୋପା ଲୁହ

କେବେ କବିତା କବି ଓଠର ହସର ସୁଅ 

କେବେ କବିତା କବିର ମନରେ ଅଶାନ୍ତ ଝଡ଼ର ସୂଚନା

କେବେ କବିତା କବି ହୃଦୟର କିଛି ବିଡମ୍ବନା l

କେବେ କବିତା କବି ମନର ପ୍ରତିଛବି

କେବେ କବିତା ଝରି ଯାଉଥିବା ସ୍ମୃତିର ନଦୀ

କେବେ କବିତା ଫଗୁଣର ପ୍ରେମ ରଙ୍ଗ

କେବେ କବିତା ଶ୍ରାବଣର ଅମାନିଆ ଝଡ଼ l

କେବେ କବିତା ବୈଶାଖର କାଳ ବୈଶାଖୀ

କେବେ କବିତା ଅସହ୍ୟ ଝାଞ୍ଜିର ତାତି

କେବେ କବିତା ପ୍ରେମର ପ୍ରୀତି ପରସ

କେବେ କବିତା ପ୍ରିୟାର ମିଠା ମିଠା ହସ l

କେବେ କବିତା ମୋ ପ୍ରିୟା ଦେହରେ

ମୋ ପ୍ରିୟ ରଙ୍ଗର ପୋଷାକ

କେବେ କବିତା ମୋ ଜୀବନର ବଣିକ

କେବେ କବିତା ମନର କ୍ଷତକୁ ସାଜେ ମଲମ l

କେବେ କବିତା ଜୀବନ ନାବକୁ କାତ

କେବେ କବିତା ଦିଗହରା ପଥିକର ଆସରା 

କେବେ କବିତା ଶୂନ୍ୟ ମରୁଭୂମିରେ ସାହାରା l

କେବେ କବିତା କବିର ହୃଦୟ ବେଦନା

କେବେ କବିତା ବୀରତ୍ୱର ଦିଏ ସୂଚନା

କେବେ କବିତା ପ୍ରୀତିପୁରର ଗୋଲାପ

କେବେ କବିତା ପ୍ରିୟା ସାଥେ ମିଠା ଆଳାପ।