Library
Profile
ତୁମ ଆଡେ ଶୀତ ପଡିଛି
ତୁମ ଆଡେ ଶୀତ ପଡିଛି
1 min
405
ହଁ ଶୀତ ପଡିଛି
ଗୋଟେ ଫଟା ପଲିଥିନ ଉପରେ
ଯାହା ତଳେ ଅଶୀ ବର୍ଷର
ରହୁଥିଲା ଜଣେ ବୁଢ଼ୀ ମାଆ।
ଶୀତ ପଡିଛି
ଛକ ବାଦାମ ବିକାରେ
ଖୁଣ୍ଟିଆ ଦୋକାନ
କମଳ ସ୍ଵେଟର ଓ ଜ୍ୟାକେଟ ଉପରେ।
ଶୀତ ପଡିଛି
ଫୁଲ କୋବି
ବନ୍ଧା କୋବି କିଆରୀରେ
ଲିପାପୋଛା ଖଳାରେ
ଲକ୍ଷ୍ମୀ ନାରାୟଣ ପୂଜା ମଣ୍ଡପରେ।
ଶୀତ ପଡିଛି
ବୁଢା ବା ଅଧ କଂସେ ନାଲି ଚା
ଭସା ମୁଢିରେ
ବାବୁଙ୍କ ୱାଇନ୍ ଵଟଲ୍ ରେ।
ଶୀତ ପଡିଛି
ଭାଇରାଣ୍ଟ ଭୟରେ ଥରୁଥିବା
ମଣିଷ ଉପରେ।
