ତୁ ପରୀଟେ

ଇଚ୍ଛା ହୁଏ ତତେ ଦେଖିବାକୁ 

କିନ୍ତୁ ଛୁଇଁବାକୁ ମନ ନାହିଁ

ଇଚ୍ଛା ହୁଏ ତତେ ବୁଝିବାକୁ 

କିନ୍ତୁ ପଢିବାକୁ ମନ ନାହିଁ

ତୁ ଏମିତି ଗୋଟେ ବହିଟେ

ପଢି ଚାଲିଥିଲେ

ସରେ ନାହିଁ ଜମା

ଚିର ସ୍ରୋତସ୍ୱିନୀ ନଈଟେ।। 

ଇଚ୍ଛା ହୁଏ ତତେ ଖୋଜିବାକୁ 

କିନ୍ତୁ ପାଇବାକୁ ମନ ନାହିଁ

ଇଚ୍ଛା ହୁଏ ତତେ ଭାବିବାକୁ 

କିନ୍ତୁ ଗପିବାକୁ ମନ ନାହିଁ

ତୁ ଏମିତି ଗୋଟେ ଗପଟେ

କାହାଣୀ ନୁହେଁ ତୁ 

ସପନ ଇଲାକା

ସରଗ ରାଇଜ ପରୀଟେ।। 

ଇଚ୍ଛା ହୁଏ ତତେ ତୋଳିବାକୁ 

କିନ୍ତୁ ଧରିବାକୁ ମନ ନାହିଁ

ଇଚ୍ଛା ହୁଏ ତତେ ହାରିବାକୁ 

ଭଲ ପାଇବାକୁ ମନ ନାହିଁ

ତୁ ଏମିତି ଗୋଟେ ପ୍ରେମଟେ

ନା ସବୁ ଦୋଷ ମୋର

ନା ଭୁଲ ଅଛି ତୋର

ତୁ ପା କଳଙ୍କ ବିହୀନ ଜହ୍ନଟେ।।