ଟଙ୍କା ଗଛ

ଦେଖିଲି ମୁଁ ଗୋଟିଏ ଏମିତି ସପନ

ସପନକୁ ଦେଖି ଭାବୁଛି ରାତିଦିନ ।

କାଚ ଗିଲାସରେ ପଇସା ଭରି

ଲଗାଇ ଦେଇଛି ଗଛଟିଏ ଏପରି ।

ସେ ଗଛ ଦିନେ ହୋଇଛି ଦ୍ରୁମ ଭଳି

ପତର ଜାଗାରେ ରହିଛି ଟଙ୍କା ଓହଳି ।

ଯେଉଁଥିରେ ଥିଲା ପତର ଚାରି

ଏବେ ସେହି ଗଛ ଟଙ୍କାରେ ଭରି ।

ବାଲଟି ଧରି ଗଛର ତଳେ ରହିଛି ଚାହିଁ

ଯେମିତି ଟଙ୍କାଟିଏ ବି ତଳେ ପଡ଼ିବ ନାହିଁ ।

ନିଦ ଭାଙ୍ଗିଲା ସକାଳୁ କାଉ ଡ଼ାକ ଶୁଣି

ସପନ ଭୁଲି ଯାଅ ଏବେ ବିଲରେ ବିହନ ବୁଣି ।

ଟଙ୍କା ଗଛ ବୋଲି ସଂସାରେ ଥାଆନ୍ତା ଯଦି

କଷ୍ଟ ନ କରି ମଣିଷ ଖଟରେ ପଡ଼ନ୍ତା ଆଖିକୁ ମୁଦି।