ଠିକଣା
ଠିକଣା
ଏ ଜୀବନ, ଏ ଠିକଣା
ଅଚି଼ହ୍ନା ମଣିଷ ଆସି ଯୋଡ଼ି ହୋଇଥାନ୍ତି ଏ ଠିକଣା
ହୋଇଯାନ୍ତି କେହି ସବୁ ଦିନ ପାଇଁ ଆପଣା
ପୁଣି କେହି ନିଜର ସ୍ୱାର୍ଥ ହାସଲ ପରେ ହୋଇଯାଆନ୍ତି ଅଜଣା।
ଏ ଜୀବନ, ଏ ଠିକଣା
ଖୋଜି ଆସି ଏ ଠିକଣା
ଦେଖାନ୍ତି ବହୁତ ସପନ ହୋଇ ଆପଣା
ପୁଣି ମନ ଭାଙ୍ଗି ଚାଲିଯାଆନ୍ତି ହୋଇ ହୋଇ ଅଜଣା ।
ଏ ଜୀବନ, ଏ ଠିକଣା
ଅଜଣା ଯେତେବେଳେ ହୁଏ ଆପଣା
ଲାଗେ ସତେ ମିଳିଗଲା ଜହ୍ନ ଠିକଣା
ଲେଖିବାକୁ ନୂତନ ଜୀବନର ନୂତନ ସ୍ମୃତିର ଠିକଣା।
ଏ ଜୀବନ, ଏ ଠିକଣା
ଆପଣା ଯେତେବେଳେ ହୋଇଯାଆନ୍ତି ଅଜଣା
ମନ ହୁଏ ବାଟବଣା
ଇଚ୍ଛା ହୁଏ ଖୋଜିବାକୁ ଅନ୍ୟ ଠିକଣା।
ଏ ଜୀବନ, ଏ ଠିକଣା
ଯେଉଁଠି ସର୍ତ୍ତରେ ଲେଖା ହୋଇ ଥାଏ ସମ୍ପର୍କର ଠିକଣା
ତାହା କେବେ ହୋଇ ନ ଥାଏ ଜହ୍ନର ଠିକଣା
ତାହା ବନି ଥାଏ ସମ୍ପର୍କ ବାନ୍ଧି ରଖିବାର ବାହାନା।
ଏ ଜୀବନ, ଏ ଠିକଣା
ପ୍ରେମରେ ଲେଖା ହୋଇ ଥାଏ ଯେଉଁ ଠିକଣା
ଲଣ୍ଠନ ପରି ଚମକୁ ଥାଏ ଠିକଣା ପ୍ରେମ ବର୍ଷାରେ ହୋଇ ଯାଆନ୍ତି ସବୁ ଅଜଣା ଆପଣା।
ଏ ଜୀବନ, ଏ ଠିକଣା
ଗୁରୁଜନଙ୍କ ଆଶୀର୍ବାଦରେ ମିଳିଥାଏ ଯେଉଁ ଠିକଣା
ସେଥି ନ ଥାଏ ଅଭିନୟ, ଛଳନା, ପ୍ରତାରଣା
ସେଥି ସମସ୍ତେ ହୋଇଥାଆନ୍ତି ଆପଣା।
ଏ ଜୀବନ, ଏ ଠିକଣା
ଯିଏ ନିଜ ଭିଟାମାଟିକୁ ଭୁଲି ଖୋଜି ଥାଏ ଅନ୍ୟ ଠିକଣା
ତା ଜୀବନେ ଘଟି ଥାଏ ଅନେକ ଦୁର୍ଘଟଣା
ଅନୁତାପ କରି ଫେରି ଥାଏ ନିଜ ଭିଟାମାଟି ଠିକଣାକୁ।
ଏ ଜୀବନ, ଏ ଠିକଣା
ଅନଲାଇନ ଶିକ୍ଷା ଆଣିଛି ସଫଳତାର ନୂତନ ଠିକଣା
ଦାଦନ ଶ୍ରମିକ ହୋଇ ନ ଖୋଜି ଅନ୍ୟ ଠିକଣା
ପାଠ ପଢି ରଚନା କର ଆଧୁନିକତା ସମାଜରେ ନିଜର ଠିକଣା।
ଏ ଜୀବନ, ଏ ଠିକଣା
ନ ଖୋଜି ଅନ୍ୟର କଳଙ୍କ, ରହସ୍ୟର ଠିକଣା
ଜୀବନର ନୀରବ ଝଡ ମଧ୍ୟେ ଚିହ୍ନ କିଏ ପର, କିଏ ଆପଣା
ଚେଷ୍ଟା କର ପହଞ୍ଚିବାକୁ ନିଜ ଦାୟିତ୍ଵର ଠିକଣା।
ଏ ଜୀବନ, ଏ ଠିକଣା
ଜୀବନେ ନିଅ ଶେଷ ନିଷ୍ପତ୍ତି, ଲକ୍ଷ କରି ନିଜ ଠିକଣା
କର୍ମ କରି ଚାଳ, ନ କରି ବାହାନା
ବନି ଯାଅ ଅନ୍ୟର ଲେଖା ପଛର ପ୍ରେରଣା।