Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Saroj Satpathy

Comedy

3.8  

Saroj Satpathy

Comedy

ତୃୃୃୃୃୃତୀୟ ବାନର

ତୃୃୃୃୃୃତୀୟ ବାନର

1 min
102



ବହୁଦିନ ପ୍ରତୀକ୍ଷାର ଅନ୍ତେ

ବିଧାୟକ ମନ୍ତ୍ରୀ ଯେବେ ହେଲେ

ପ୍ରସନ୍ନ ମୁଦ୍ରାରେ ଗୃହେ

ଶଯ୍ୟାପରେ ଧୀରେ ଲୋଟିଗଲେ

ଦୁଇ କର୍ଣ୍ଣେ ହସ୍ତ ଦୁଇ

ମୁଦ୍ରିତ ସେ ଯୁଗଳ ନୟନ

ଉନ୍ମୁକ୍ତ କେବଳ ମୁଖ

ଆହା କି ସୁନ୍ଦର ବଦନ ॥


ଏତାଦୃଶ ମୁଦ୍ରା ଦେଖି 

ପଚାରିଲି ଆହେ ମନ୍ତ୍ରୀବର

ସାଦୃଶ୍ୟ ଲାଗଇ ଯେହ୍ନେ

ଗାନ୍ଧିଜୀଙ୍କ ତିନୋଟି ବାନର

ଫରକ ମାତ୍ର ଏତିକି

ପାଟି ତୁମ ରହିଛି ଉନ୍ମୁକ୍ତ

ତୃତୀୟ ବାନର ଏଠି

ସତେ କ'ଣ ମାରିଲା ଚମ୍ପଟ ?


ମୁହଁ ଖୋଲା ରଖି ବୋଧେ

ସମାଜକୁ ଦେବ କି ବାରତା

ଅନ୍ୟାୟ ବିରୁଦ୍ଧେ ସ୍ବର

ତେଜିବାକୁ ମନେ କର ଚିନ୍ତା

ସ୍ମିତ ହସି ମନ୍ତ୍ରୀବର

କହିଲେ ଏ ନୂତନ ବିଚାର

ଗାନ୍ଧିଜୀଙ୍କ ଅନ୍ତେ ଲୁପ୍ତ

ତାଙ୍କ ସେହି ତୃତୀୟ ବାନର ॥


କରିଅଛି ଚକ୍ଷୁ ବନ୍ଦ

ଦେଖିବିନି କିଛି ଅତ୍ଯାଚାର 

ଶୁଭିବନି କିଛି ବୋଲି

କାନ ବନ୍ଦ ସଦା ଥିବ ମୋର

ପାଟି ଖୋଲା ରଖିଥିବି

ଆସେ ଯଦି ବିରୋଧର ସ୍ବର

ଉଦରସ୍ଥ କରୁଥିବି

ମୃତ୍ୟୁ ଯାଏ ଦେଶ ପାଣ୍ଠି ମୋର ॥



Rate this content
Log in