କରୋନା ଟାଇମପାସ୍

ଯେଉଁଦିନ ଠାରୁ ଆମ ରାଇଜକୁ

  ଚାଇନା ଭୂତାଣୁ ଆଇଲା

କରୋନା ଶଙ୍କାରେ ସେହିଦିନ ଠାରୁ

  କବିତା ଲେଖିବା ନୋହିଲା

ଶବ୍ଦଗୁଡା ସବୁ ଲକ୍ ହୋଇଗଲେ

   ଲକଡାଉନ ହେବା ଭୟରେ

ଭାବ ଯେତେ ସବୁ ସଙ୍ଗରୋଧ ହେଇ

   ପଶିଗଲେ କୋଉ କୋଣରେ

ଶବ୍ଦ,ପଦ,ମାତ୍ରା ରହିଲେ ଦୂରରେ

  ଫେରିଲେନି ନିଜ ସ୍ଥାନକୁ

ଛନ୍ଦ,ଅଳଙ୍କାର ଲୁଚିଲେ କେଉଁଠି

   ଆସିଲେନି ଯତିପାତକୁ

ଭାବିଲି ଆଜି ମୁଁ ଲେଖିବି ନିଶ୍ଚୟ

   ଗୋଟେ ଆଧୁନିକ କବିତା

ଏବେକାର କିଛି ନରମ ଗରମ

  ଶବ୍ଦ କିଛି ଅଛି ସାଉଣ୍ଟା

ନୂଆନୂଆ ଶବ୍ଦ କରୋନା,କୋଭିଡ୍ 

   ହଟସ୍ପଟ, କ୍ବାରେଣ୍ଟାଇନ

ଲକ୍ ଡାଉନରୁ ସଟ୍ ଡାଉନ ଯାଏ

   ଜନତା କର୍ଫ୍ୟୁର ଆଇନି 

ମିଳିଗଲେ ଆଉ କିଛି ନୂଆ ଶଦ୍ଦ

   ବୁଣିବି କବିତା ବିହନ

ସାର,ପାଣି ଦେଇ ବଞ୍ଚେଇବି ତାକୁ

  ନ ଗଲା ଯାଏ ସେ କରୋନା