Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Anita Dash

Abstract Classics Inspirational


4.3  

Anita Dash

Abstract Classics Inspirational


ତରଙ୍ଗ ବଳୟ

ତରଙ୍ଗ ବଳୟ

1 min 23.7K 1 min 23.7K


ଦୂରରୁ ପାଣିରେ ତେରେଛା ଫିଙ୍ଗିଲେ

ଛୋଟିଆ ପଥର ଟିଏ,

ପାଣିରେ ସୁନ୍ଦର ତରଙ୍ଗ ବଳୟ

ଚାରିଆଡେ ଖେଳିଯାଏ। । ୧ ।

ହସର ତରଙ୍ଗ ଦୃଷ୍ଟିର ସହିତ

ପହଁରି ପହଁରି ଯାଏ,

ଆନ ଆଖି କୋଣେ ପହଂଚି

ଖୁସିରେ ଆନମନ ମୋହିନିଏ। । ୨ ।

ଶବ୍ଦର ତରଙ୍ଗ ଖେଳି ଖେଳି ଯାଇ

ସୃଷ୍ଟି ହୋଇଥାଏ ଧ୍ୱନି,

ତରଙ୍ଗ ବିହୀନ ଶବ୍ଦ ସବୁ ଯେହ୍ନେ

ମୁକଙ୍କର ବାଚଳାମି। । ୩ ।

ସେନେହ ତରଙ୍ଗ ଖେଳିଲାରୁ ସିନା

ଏକକୁ ଆନେକ ମୋହେ,

ମମତା ବନ୍ଧନେ ଛନ୍ଦା ଛନ୍ଦି ହୋଇ

ଖୁସିରେ ସମୟ ଯାଏ। । ୪ ।

ଅଶାର ତରଙ୍ଗ ଖେଳି ଖେଳି ଯାଇ

ତୋଳି ଥାଏ ଆଶାବରୀ,

ସେ ସୁଖେ ଅଧୀର ଜୀବନ ଅପ୍ରାପ୍ତ

ତୃପ୍ତିରେ ଯାଏ ଭରି। । ୫ ।

ଫୁଲର ମହକ ବାୟୁର ତରଙ୍ଗେ

ବିଛୁରି ବିଛୁରି ଯାଏ,

ଯୋଗୀ ଭୋଗୀ ରୋଗୀ ମାନି ଦାନୀ

ଆଦି ସଭିଙ୍କର ମନ ମୋହେ। । ୬ ।

ଜୀବନ ତରଙ୍ଗ ଢେଉ ଖେଳୁଅଛି

ସମୟର ନଦୀ ପରେ,

ତରଙ୍ଗ ଥମିଲେ ଜୀବନଟା ଲୀନ

ହୋଇଯିବ ତା ବୁକୁରେ। । ୭ ।

ଧ୍ୟାନର ତରଙ୍ଗ ଶରୀର ଚକ୍ରରେ

ତେଜେ କୁଣ୍ଡଳିନୀ ଶକ୍ତି,

ଅଳିକ କ୍ଷଣିକ ସୁଖରୁ ଜୀବନ

ଖୋଜି ହୁଏ ମହା ମୁକ୍ତି। । ୮ ।

ଛୋଟ ଛୋଟ ଖୁସି ମିଶେଇକି ଚାଲ

ଜୀବନେ ସୁଖ ଯୋଡିବା,

ଭଲ କାମ କରି କର୍ମର ତରଙ୍ଗେ

ଶ୍ରେଷ୍ଠ ଜୀବନ ଗଢିବା । । ୯ ।


Rate this content
Log in

More oriya poem from Anita Dash

Similar oriya poem from Abstract