ତ୍ରାହିକର ପ୍ରଭୂ
ତ୍ରାହିକର ପ୍ରଭୂ
ସେ ମଣିଷକୁ
ଖୁବ୍ ଭଲଭାବେ
ଚିହ୍ନିପାରେ
କେବଳ ତାରି ଯୋଗୁଁ ହିଁ
ସମାଜରେ ବଢେ ଅରାଜକତା।
କେତେବେଳେ ଭାଇ ଭାଇ
ମଧ୍ୟରେ ତ ଆଉ
କେତେବେଳେ ବାପ ପୁଅ ସହ
ମହାଭାରତ ସୃଷ୍ଟି କରିବାରେ
ପଛଘୁଞ୍ଚା ଦିଏନାହିଁ ।
ଶକୁନିର ପଶାଖେଳରେ
ନିଜର ସତ୍ତା ହରାଇଥିବା
ଆଜିର ମଣିଷ ମାନେ ବି
ନିଜ ସ୍ତ୍ରୀକୁ ହରାଇ ବସନ୍ତି
ଦୁର୍ଯ୍ୟୋଧନ ଦୁଃଶାସନ ପାଖରେ।
ହେଲେ ଆଜି ତ
ବିଷ୍ଣୁର ଦେଖିନାହିଁ
ପାଣ୍ଡବ ସାଥିରେ
କିପରି ସେ ଦଳିତ
ଦ୍ରୌପଦୀର ବସ୍ତ୍ର ହରଣରୁ
ରକ୍ଷାକରି ବସ୍ତ୍ର ପ୍ରଦାନ କରିବ
ଆଜି ସ୍ୱୟଂ ଭଗବାନ
ପାଣ୍ଡବଙ୍କ ନିକଟରେ ନାହିଁ
କି ଆଜିର ପାଣ୍ଡବ ମାନେ
ଭଗବାନ ବିଷ୍ଣୁଙ୍କ ଆୟତ୍ତରେ ନାହିଁ ।
କେବଳ ଦୂରରୁ ଶୁଭୁଛି
ବହୁ ନାରୀର ଆର୍ତ୍ତ ଚିତ୍କାର
ତ୍ରାହିକର ପ୍ରଭୁ ତ୍ରାହିକର।