ତୋର ଲାଜମିଶା ହସକୁ ମୋର ଭାରି ଡର
ତୋର ଲାଜମିଶା ହସକୁ ମୋର ଭାରି ଡର
ତୋର ଲାଜମିଶା ହସକୁ ମୋର ଭାରି ଡର
ଟିକେ ଗଲେ କାଳେ କାନ୍ଦିବୁ ବାୟାଣୀଟା ମୋର !
ମନ ହେଲେ ଆଗ ପିନ୍ଧୁଚୁ କୁଞ୍ଚପକା ଶାଢ଼ି
ବେଶ ବାସ କେବେ ମଳିନ ସତେ ଦୁଃଖ ବଢ଼ି !
କଥା କହୁ କେତେ ମିଶାଇ ନାହିଁ ବାଡ଼ ବତା
ଆଉ କିଏ ପଦେ କହିଲେ ମୁହଁ ତୋର ଶେତା !
ଆଗ ପଛ ଚାଲି ଝୁଣ୍ଟୁଚୁ ପଡ଼ି ଉଠି ନିଜେ
ଆଉ କା'ର ଚାଲି ଖୁଣିବା ତୋର କାମ ସଜେ !
ଯାହା ବୁଝୁ ତୋର ମନକୁ ତତେ ଏକା ଭଲ
ହାବ ଲାଭ ଥାଉ ପଛକୁ ବୁଝୁନାହୁଁ ଗେଲ !
ଆଖି ଆଖି ଯୋଡ଼ି ଦେଖୁନୁ ଭଲ ମନ୍ଦ କିଛି
ଯାହା ତାହା ହେଉ ନେଉଛୁ ଜିଦି ଅବା ବାଛି !
ରୂପ ତୋର କୋପ କରିନି ବରିଥିଲି ତତେ
ଗୁଣ ତୋର ମାପ କରୁଛି ବସି ଏକା ସତେ !
ମତେ କେତେ ଭଲ ଲାଗୁଛୁ ଟାଣିନାହିଁ ସୀମା
ତତେ କେବେ ଏଇ ମନରୁ ଭୁଲିନାହିଁ ଜମା !
ମୁହଁ ତଳ ତୋର ଦେଖିଛି ଗାର କଟା ନଖ
ସେଇତକ ଭଲ ମଣିଛି ମୋର ଭାଗ୍ୟ ସୁଖ !
ଯେତେ ହେଲେ ତୋର ନିରୀହ ପଣ ବେଶି ଲାଗେ
ବୁଝୁନାହୁଁ ଅବା ବୟସୀ ଭାର ଠାର ବାଗେ !