ତୋ ପ୍ରେମ ଛଳନାମୟ

ଦେଖିଥିଲି ଦିନେ ସିନ୍ଦୂର ସପନ

ମଥାରେ ତୋ ଦେବି ବୋଲି,

ଛଳନା ତୋହର ପ୍ରହାର କରିଲା

ନିଜ ରକ୍ତେ ଖେଳେ ହୋଲି।

ତୋର ହସ ମୁହଁ ପଦ୍ମ ରସ ପରି

ପାଗଳ କରିଲା ମୋତେ,

ଭ୍ରମର ପ୍ରାୟ ମୁଁ ତୋ ପ୍ରେମର ରସେ

ଖୋଜିବୁଲିଲି ଯେ କେତେ।

ବୁଝିକି ପାରିଲୁ ପ୍ରେମକୁ ମୋହର

ଗଲୁ କାହାସହ ଚାଲି,

ଭୁଲିଗଲୁ ସିନା ସବୁ ପ୍ରତିଶୃତି

ମୁଁ କି ପାରୁଛି ଭୁଲି।

ଆଜିବି ରହିଛି ବାଟକୁ ଚାହିଁ ତୋ

ଆସିବୁ ଦିନେ ନା ଦିନେ,

ତୋ ହୃଦୟ ସିନା ମୋତେ ଭୁଲିଗଲା

ଥିବୁ ତୁ ସଦା ମୋ ମନେ।

ଏତିକି କହୁଛି ପ୍ରିୟା ତୋତେ ଆଜି

ଭଙ୍ଗିବୁନି କା'ର ମନ,

ନୋହିଲେ ସେଦିନ ଆସିବ ନିଶ୍ଚୟ

ଛଳେ ଭାଙ୍ଗିବ ତୋ ପ୍ରେମ।