Library
Profile
ତମେ କେଉଁଠି
ତମେ କେଉଁଠି
1 min
369
ଏଇ !
କୁହନା ?
ଏଇ କରୋନାର ଅତଙ୍କରେ
ତମେ କେଉଁଠି ?
କୃଷ୍ଣଚୂଡ଼ାର ଲାଲ୍ ଟକଟକ୍
ସେଇ ଫୁଲରେ
ନା
ଆମ୍ୱ ବଉଳର ଗହଳିରେ ?
ସତରେ ତମେ କେଉଁଠି ଏବେ ?
ତମେ ତ ଜାଣ
ଏବେ ସବୁଆଡେ କର୍ଫ୍ଯୁ
ଖାସ୍ ସେଇଥିପାଇଁ
ତମକୁ ଖୋଜି ପାରୁନି
ରାଜରାସ୍ତାରେ
ସମୁଦ୍ରର ବେଳାଭୂମିରେ
ଆଉ ମଲରେ
କିମ୍ୱା ଆମେ ଏକାଠି
ଘଣ୍ଟାଘଣ୍ଟା ବସୁଥୁବା
ସେଇ ପାର୍କରେ
ଆରେ କୁହନା କେଉଁଠି ତମେ ?
ତମ ପ୍ରାସାଦର ବାଲକୋନିରେ
ନା
ରତ୍ନପଲଙ୍କରେ
ଅବା
ସିଂହାସନମାର୍କା ଚୌକିରେ ?
କଣ କରୁଛ ତମେ ?
ଫେସବୁକରେ ମଗ୍ନ
ନା
ହ୍ୱାର୍ଟ୍ସଆପରେ ବ୍ୟସ୍ତ ?
ହଉ ଶୁଣ !
ତମେ ଯେଉଁଠି ଥାଅ
ଯାହା କରୁଥାଅ
କିନ୍ତୁ ଭଲରେ ଥାଅ
ଆଉ ଜାଣ
ମୁଁ ତମକୁ
ଏଇଠି ଥାଇ
କ୍ଷଣେ ବି ଭୁଲିନି
ଆଗକୁ ବି ଭୁଲିପାରିବିନି l
