Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Birakishore Nayak

Inspirational

4  

Birakishore Nayak

Inspirational

ତମ୍ବାଖୁ

ତମ୍ବାଖୁ

1 min
259


ସମଗ୍ର ବିଶ୍ୱ ଯେ ତମ୍ବାଖୁ କବଳେ

      ବନ୍ଧା ପଡ଼ିଅଛି ଆଜି,

ବିନା ତମ୍ବାଖୁରେ ଦିନ ସରେ ନାହିଁ

      ନିଶାରେ ଯାଉଛି ହଜି ।


ମଣିଷ ଯାହାକୁ ସୌଖିନ ଭାବୁଛି

     ସେ ନୀରବ ହତ୍ୟାକାରୀ,

ଧିରେ ଧିରେ ତାର ଆଘାତେ ଜୀବନ

     ଅକାଳରେ ଯାଏ ଝରି ।


ମଣିଷ ବୁଝିଛି ତମ୍ବାଖୁ ସେବନେ

     କେତେ କ୍ଷତି ତାର ହୁଏ,

ତଥାପି ଅଭ୍ୟାସ ଛାଡି ପାରେନାହିଁ

     ଜାଣି ଜାଣି ବିଷ ପିଏ ।


କଡାପାନ ଅବା ଦୋକତା ମିଶ୍ରଣେ

     ଯାହା ବି ହୁଏ ସେବନ,

ନାନା ନାମ ତାର ସଫଳ, ମିନାଜି

      ଆକର୍ଷିତ କରେ ମନ ।


କିଏ କହେ ତାକୁ ଘୁଟକା ବୋଲି ଯେ

      ପାଟିରେ ପଡିଲେ ମଜ୍ଜା,

ସକାଳୁ ଉଠିଲେ ଅଘସା ପାଟିରେ

      ପ୍ରଥମେ ହୁଏ ଯେ ଖୋଜା ।


ଆଜି ସମାଜରେ ଘୁଟକା କେବଳ

      ସତେ କି ମଣିଷ ସାଥି,

ତା ସାଥେ ଚୋରସ ଅବା ମଦ୍ୟପାନେ 

      ଅକୁଣ୍ଠିତେ ଯାଏ ମାତି ।


ଏଥିପାଇଁ ପରା ଗ୍ରାସୁଛି ଅକାଳେ

      ମୁଖ ଗହ୍ୱର କର୍କଟ,

କାହାର ହୃଦୟ ଅବା ମୁତ୍ରାଶୟ

      ହୋଇଯାଏ ପୁରା ନଷ୍ଟ ।


ଅର୍ଥ ଦେଇ ଆଜି ମଣିଷ କିଣୁଛି

      ଜାଣି ଜାଣି ନାନା ରୋଗ,

ତମ୍ବାଖୁ ବଦଳେ ଅନ୍ୟ ଭୋଜନରେ 

       ହୁଅନ୍ତା ଯେ ସୁଖ ଭୋଗ ।


ସଚେତନ ହେବା ପ୍ରୟୋଜନ ଆଜି

       ଜୀବନ ସୁରକ୍ଷା ପାଇଁ,

ନହେଲେ ମଣିଷ ତମ୍ବାଖୁ ଶିକାରେ

       ମୃତ୍ୟୁ କୋଳେ ଯିବ ଶୋଇ ।


Rate this content
Log in