ତିନି ତୁଣ୍ଡରେ ଛେଳି କୁକୁର

ତୁଣ୍ଡ ବାଇଦ ଯେ ସହସ୍ର କୋଷ ତ

ଅଟଇ କଥା ପ୍ରମାଣ

ତୁଣ୍ଡରୁ ତୁଣ୍ଡ କୁ ଯିବା ପରେ ଏହା

କ୍ଷୟ ହୁଅଇ ସମ୍ମାନ ।

ଅତି ଶୀଘ୍ର ନାଶି ପାରଇ ଅନେକ

 ସ୍ଥାନରେ ଧନ ଜୀବନ

ତୁଣ୍ଡ ବାଇଦ ର ଯୋଗୁଁ ହିଁ ହୁଅନ୍ତି

ଜନେ ସଦା ହୀନିମାନ । 

ଖରେ ଏ ପ୍ରଖର ବେଗେ ବ୍ୟାପୀ ଯାଏ

ସତ ମିଛ ପ୍ରମାଣିତ

କରି ନ ହୁଅଇ ଲୋକହସା ହେବା

ସହିତ କ୍ରମେ ପ୍ରଭୁତ ।

କ୍ଷତିର କାରଣ ହୁଏ ପ୍ରତି କ୍ଷଣ

ଏଇ ତୁଣ୍ଡ ବାଇଦ ହିଁ 

ଧୁର୍ତ୍ତ ଜନେ ସଦା ରଚି ନାନା ମତେ

ଥାନ୍ତି ଲୋକ ଙ୍କୁ ଠକାଇ ।

ତିନି ତୁଣ୍ଡରେ ଯେ ଛେଳି ଟି କୁକୁର

ପାଲଟି ଯାଏ ନିମିଷେ 

ସତ୍ୟ, ଧର୍ମ,ନ୍ୟାୟ , ଆଦର ଆଦର୍ଶ

ଲୁପ୍ତ ହୁଏ ନିମିଷକେ ।

ମିଥ୍ୟା କଥା ଯେବେ ଜନତା କହି ବେ

ମେଳ ହେଇ ଶତ ଶତ

ମିଥ୍ୟା , ଜାଣି ଜାଣି ତାକୁ ମାନି ଶୁଣି

କୁହା ଯାଏ ସତ ସତ ।

ମିଥ୍ୟା , ତଥ୍ୟ , ତତ୍ତ୍ୱ , ଗୁଜବ ହେତୁରୁ

ଘଟେ ବହୁ ଅଘଟଣ

ଧୂର୍ତ୍ତ ଙ୍କର ଲାଭ ତହିଁ ରୁ ଅଧିକ

ସତ୍ୟ , ସହେ ନିସ୍ପେଷଣ ।