ଥ୍ୟାଙ୍କ୍ ୟୁ ଟିଚର

ପାଠପଢ଼ା ବହୁଦିନୁ ଛାଡ଼ିଲିଣି

ତଥାପି ଭୁଲି ହୁଏନି

ଶୋଇଥିବାବେଳେ ସପନରେ ଗୁରୁ

ତୁମ ଛବି ଆସେ ପୁଣି ।

ଗୁରୁ ଓ ଛାତ୍ରର ନିବିଡ଼ ସମ୍ପର୍କ

ମୁଦ୍ରା ଦୁଇ ପାର୍ଶ୍ଵ ପରି

ଗୁରୁ ହେଲେ କାୟା ଛାତ୍ର ଅଟେ ଛାୟା

ଗୁରୁ ଗୁଣ ଅସୁମାରୀ ।

ଛାତ୍ରଛାତ୍ରୀ ବିନା ଲାଗେ ନାହିଁ ଭଲ

ପିତୃତୁଲ୍ୟ ଶିକ୍ଷକଙ୍କୁ

ସମସ୍ତଙ୍କୁ ଗୁରୁ ସମାନ ଦେଖନ୍ତି 

ଆଦରନ୍ତି ସମସ୍ତଙ୍କୁ ।

ଦବାକୁ କେହିରେ ଭଲ ପାଆନ୍ତିନି

ଗୁରୁ ହିଁ ଜଣିଏ ବ୍ୟକ୍ତି

ପିଲାଙ୍କୁ ପାଠକୁ ଦାନ କଲେ ସିଏ

ହୋଇଥା'ନ୍ତି ଆତ୍ମତୃପ୍ତି ।

ଗୁରୁ ଚାହିଁଥା'ନ୍ତି ଛାତ୍ରଛାତ୍ରୀମାନେ

ବାଟେ ଘାଟେ ନଝୁଣ୍ଟନ୍ତୁ

ଦେଖାନ୍ତି ସୁବାଟ ଚାହାଁନ୍ତି ପିଲାଏ

ଭଲ ବାଟରେ ଯାଆନ୍ତୁ ।

ଅନୁକରଣୀୟ ସର୍ବଦା ପିଲାଏ

ଶିଖନ୍ତି ଯେ ଅନ୍ୟଠାରୁ

ତେଣୁ ଗୁରୁଙ୍କର ଭାଷା ବ୍ୟବହାର

ମାର୍ଜିତ ହିଁ ପ୍ରାରମ୍ଭରୁ ।

ଡାକ୍ତର ହେଉବା ନେତାଟିଏ ହେଉ

ହେଉ ଅବା ଚାଷୀଟିଏ

ନିଜ ନିଜ କ୍ଷେତ୍ରେ ପାରଦର୍ଶିତାରେ

ଗୁରୁ ଅବଦାନ ଥାଏ ।

ଯେତେବଡ଼ ପଦେ ଯିଏ ରହିଥାଏ

ଦାନ ଥାଏ ଗୁରୁଙ୍କର 

ତେଣୁ ହୃଦୟରୁ ସ୍ଵତଃ ବାହାରଇ

ଥ୍ୟାଙ୍କ୍ ୟୁ ଟିଚର ।