ଥୁଣ୍ଟା ଗଛ

   ଭଲ ମାଟି ପାଇ ବଢ଼ିଥିଲି ମୁହିଁ

     କେତେ ନୂଆ ଆଶା ରଖି

   ପାଣି ପବନର ଉତ୍ତମ ବେଶରେ 

     ଦିଶିଲି ସବୁଜ ମୁଖି ।

     

   ଦେହରେ ଆସିଲା ନବ ଯୌବନର

     ଜ୍ୟୋତି ରୂପ ଫୁଲ ଫଳ

   ସଭିଏଁ ଦୂରରୁ ଦେଖି କଲେ ଦୃଷ୍ଟି

     ଲୋଭନୀୟ ହେଲା ବଳ ।

      

   ଯିଏ ସିଏ ଆସି ଫଳ ଫୁଲ ନେଇ

      ଖୁସିରେ ଦେଖନ୍ତି ରହି

   କିଏ ପୁଣି ଆସି ଛାଇର ଆତୁରେ

      ଚାହିଁଲା ବସିବା ପାଇଁ ।

      

   ଦିନୁ ଦିନ ହେଲ

Advertisement

ା ବାୟୁ ପ୍ରଦୂଷିତ 

      ପତ୍ର,ଫୁଲ ଗଲା ଝଡ଼ି

    ସବୁଜ ରଙ୍ଗର ବସ୍ତ୍ର ପିନ୍ଧି ଥିଲି

      ଧିରେ ଧିରେ ଗଲା ଉଡ଼ି ।

      

    ଦେହେ ପଶିଗଲା ଧୂଳି ବାଲି ସବୁ

      ଦିଶିଲି ବିବର୍ଣ୍ଣା ହୋଇ

    ନାହିଁ ଫୁଲ ଫଳ ହେଲି ରଙ୍ଗହୀନ

      ନ ଦେଖିଲେ କେହି ରହି ।

       

    ପଥିକ ଆସିଲେ ଦେଖି ଦେଇ ମୋତେ

       ଆଡେଇ ଯାଆନ୍ତି ସଭି

     କଥା କୁହା କୁହି ହେଇ ଯାଉଥିଲେ

       ଥୁଣ୍ଟା ଗଛ ହେଲି ଭାବି ।