ଥୁଣ୍ଟା ଗଛ
ଥୁଣ୍ଟା ଗଛ
1 min
247
ଏହି ବଗିଚାରେ ପୋତି ଦେଇଥିଲା
ଗଛ ଦିନେ ଆଣି ମାଳି
କେତେ ଯତନରେ ସାଇତି ସେ ମୂଳେ
ପାଣି ଦେଇଥିଲା ଢାଳି l
ଗଛ ବଡ ହେଲା ପତ୍ର କଅଁଳିଲା
କେତେ ଫୁଲ ଫୁଟିଗଲା
ଆଘାତ ନ ହେବ ବାଆ ବତାସିରେ
ଯତନେ ସେ ଜଗିଥିଲା l
ଜଗୁଆଳି ଗଲା ବାଡ଼ ଦୋହଲିଲା
ହୋଇଗଲି ଅବାଂଛିତ
ଥୁଣ୍ଟା ଗଛ ହୋଇ ରହିଛି ଅନାଇ
ସେନେହୁ ହୋଇ ବଞ୍ଚିତ l
ତଥାପି ନିରାଶେ ସୁଦୂର ଆକାଶେ
ଚାହିଁ ରହି ଅଛି କାହିଁ
ଜାଣୁଛି କାହାର ଉପକାର ପାଇଁ
ଛାଡିଗଲା ମୋତେ ସେହି l
ପବନ ହିଲ୍ଲୋଳେ ଦୋହଲୁ ଅଛି ମୁଁ
ପାଚିଲା ପତରଟିଏ
ପାଦପ ପାଦରେ ପଡିବି ମୁଁ ଝଡି
ଚି଼ହ୍ନ ରଖିବାକୁ ଖିଏ l