ଥରେ କୁହ ନା
ଥରେ କୁହ ନା
ଥରେ କୁହ ନା
ଦେଖିକି କାହାକୁ ସପନେ ହସୁଛ
ପଚାରିଲି ଯେବେ କୁହନା
ତୁମେ କୁହ 'ଥରେ ପଚାର ମନକୁ
ତୁମକୁ କି ଏହା ଅଜଣା' ?
ନାଲି ଶାଢ଼ୀ ପିନ୍ଧି ପଚାରେ ତୁମକୁ
କେମିତି ଦିଶୁଛି କୁହନା
ସଂତୃଷ୍ଣ ନୟନେ ଚାହିଁ ରୁହ ଖାଲି
କିଛି ବି ଉତ୍ତର ପାଏନା ।
ପଚାରେ ତୁମକୁ ଭଲପାଅ କି ନା
ଦେହ ଛୁଇଁ ମୋର କୁହନା
ମୋ ଅଖିରେ ଆଖି ମିଶେଇକି କୁହ
ଆଖି ପରା ମନ ଆଇନା ।
ପ୍ରହେଳିକାମୟ ତୁମ ଶବ୍ଦ ଫାଶ
ଅଧା ବୁଝେ ଅଧା ବୁଝେନା
ତୁମେ କି ଜାଣନା ପ୍ରଶ୍ନ ବଦଳରେ
ପ୍ରଶ୍ନଟିଏ ମୁଁ ଯେ ଚାହେଁନା?