ଥକ୍କା ସୂରୁଜ

ବରାହ ସ°ହିତା ପଞ୍ଚାଙ୍ଗ ଗଣନା

ବୈଶାଖରେ ନବବର୍ଷ

ଷାଠିଏ ପ୍ରକାର ସମ୍ବତ୍ସର ନାମ

ସ୍ୱଗୁଣ କରେ ପ୍ରକାଶ ।

ଉନବିଂଶ ବି°ଶେ ରହିଥିଲା ନାମ

ପ୍ରବୃତ୍ତି ଗତ ଭିକାରୀ

ବୃଦ୍ଧି ହୋଇଥିଲା ଭୟ ଓ ଆତଙ୍କ

ଦୁରାରୋଗ ମହାମାରୀ ।

ବି°ଶ ଏକବି°ଶେ ସମ୍ବତ୍ସର ନାମ

ରହିଥିଲା ଶରବରୀ

କଟିଗଲା ଘୋର ଅନ୍ଧକାର ରାତ୍ରି

ଗୃହେ ରହି ବନ୍ଦୀ ପରି ।

ଦ୍ୱାବି°ଶ ବରଷ ପ୍ଲାବା ସମ୍ବତ୍ସର

ଉଜ୍ଜ୍ୱଳ କରିବ ଆଶା

ଭବ ସାଗରକୁ ତରିବା ନିମନ୍ତେ

ମିଳିବ ସାହା ଭରସା ।

ତ୍ରୟୋବି°ଶ ବର୍ଷ ନାମ ଶୁଭକୃତ୍ୟ

ହେବ ମଙ୍ଗଳ କଲ୍ୟାଣ

ମନ ସଚେତନ ହେବ ଜାଗରଣ

ଉଲ୍ଲସି ଉଠିବ ମନ ।

ଆମ ସୁସ°ସ୍କାର ସମୟ ଗଣନା

ଆଧ୍ୟାତ୍ମିକ ମୂଲ୍ୟବୋଧ

ତୃତୀୟ ନୟନ ଅଟଇ ଜ୍ୟୋତିଷ

ମାନ୍ୟତା ପଞ୍ଚମ ବେଦ ।

ଥକ୍କା ପଣ ତେଜି ଉ°ଇବେ ସୂରୁଜ

ନୂତନ ଆଶା ଆଲୋକେ

ଲଭି ଆଶ୍ୱାସନା ମନାସିବା ଆସ

ସଙ୍କଳ୍ପ ଶୁଭ ପ୍ରକଳ୍ପେ ।