Library
Profile
ତାରା
ତାରା
ଜଗତ ଈଶ୍ୱର ହେ ପରମେଶ୍ୱର
କଲ ସୃଷ୍ଟିର ସର୍ଜନା
ବିଶ୍ୱଚରାଚର ସକଳ ଜୀବର
କରିଛ ସବୁ ମାର୍ଜନା ||
ଅମୃତମୟ ସେ କି ଆନନ୍ଦ ମୟ
ପରମା ପ୍ରକୃତି ଦୃଶ୍ୟ
ଏ ସାରା ବିଶ୍ୱରେ ଜଗତିକ ଦ୍ରବ୍ୟ
ଭରିଛ ତାର ରହସ୍ୟ ||
ଶ୍ରେଷ୍ଠ ଜୀବ ଭାବେ ସୃଷ୍ଟି ଯେ କରିଛ
ପ୍ରାଣୀ ମଧ୍ୟରେ ମନୁଷ୍ୟ
ଜୀବନର ମାର୍ଗ ସଦାଚାର ପୂର୍ଣ୍ଣ
ଗଢ଼ିଛ କରି ଅବଶ୍ୟ ||
ଆକାଶରେ ତାରା କେତେ ମନୋହରା
ତା ପୃଷ୍ଠେ ହେଉ ଝଲକ
ଯୁଗେଯୁଗେ ହରି ନରରୂପ ଧରି
ଦେଖନ୍ତି ତାଙ୍କ ମହକ ||
ଗଗନରେ କୋଟିକୋଟି ତାରାଗଣ
ରହିଛି ପୂର୍ବ ବୃତ୍ତାନ୍ତ
ପୁଲହ, ପୁଲସ୍ଥି, ଅଙ୍ଗିରା, ବଶିଷ୍ଠ
&nbs
p;ଶ୍ରେଷ୍ଠ କର୍ମର ମହତ ||
ଭୃଗୁ, ଧ୍ରୁବ ଆଦି ମହନୀୟ ଗାଦି
ପ୍ରାପ୍ତ ସେ ଅମୁଲ୍ୟ ସ୍ଥାନ
ସୁନୀତିର ପୁତ୍ର ବିଷ୍ଟହୁଙ୍କଠେ ଚିତ୍ତ
ପବିତ୍ର ହୃଦୟ ମନ ||
ନବମଣ୍ଡଳରେ ଧ୍ରୁବ ତାରା ରୂପେ
ରହିଛି ସେ ବିଦ୍ୟମାନ
ଭକ୍ତ ପ୍ରହଲ୍ଲାଦ ଆହା କି ଆଲ୍ଲାଦ
ଅପୂର୍ବ କି ତାର ଜ୍ଞାନ ||
ହରିହରି ନାମ ମନନ କରିଣ
ଜୀବନ ତା ହେଲା ଧନ୍ୟ
କଥାରେ ତା ନାହିଁ କର୍ମରେ ଦେଖାଇ
ଦେଲ ସାରା ସୃଷ୍ଟି ମାନ ||
ଚିର ଦିନ ପାଇଁ ଆକାଶରେ ରହି
ସପ୍ତର୍ଷିମଣ୍ଡଳ ହେଲେ
ଧ୍ରୁବ ତାରା ରୂପେ ଉତ୍ତର ରୂପରେ
ଦିଗ ନିର୍ଣ୍ଣୟ କରିଲେ ||
