ଆଶା

ମନୁଷ୍ୟର ଆଶା ମୃଗ ତୃଷ୍ଣା ପରି

ଆଶାର ଆଲୋକ ପ୍ରତିମୁହୂର୍ତ୍ତରେ

ଘନେଇ ଆସେ ତାର

ଶାଖା ପ୍ରଶାଖା ଧରି

ଆଶାର ଶେଷ ନାହିଁ

ସେ ଅସୀମ, ସେ ସୀମାହୀନ

ଶୁଦ୍ଧ ପଵିତ୍ର ଆଶାର ଆଲୋକ

ନଭଶ୍ଚମ୍ବୀ ହିମାଳୟ ସଦୃଶ

ଦେବ ଦୁର୍ଲଭ ପ୍ରାଣର ଜାଗ୍ରତ

କଳୁଷିତ ଆଶା କରେ

ନିମ୍ନ ପାତାଳଗାମୀ

ସେ ଦୁରାଚାର ସେ ପାପାଚାର!

ସଦଚାର ଭାବପନ୍ନ

ଜ୍ଞାନର ପରିସୀମାକୁ ଅତିକ୍ରମକରି

ପ୍ରଶାନ୍ତ ମହାସାଗର ପରି

ହୃଦୟର ବିଶାଳତା

ଚିର ଶାନ୍ତମୟ

ଆଶାର ଶେଷ ନାହିଁ

ଉତ୍ତମ ଆଶାର ଆଲୋକ

ସତ୍ୟ ଶିବ ସୁନ୍ଦର

କରେ ମଙ୍ଗଳମୟ

ଦୁର୍ଲଭ ମାନବ ଜୀବନ

ଆଚାରଣସିଦ୍ଧ ହୋଇ

ହେବ ସେ ସାର୍ଥକ ll