ଆତ୍ମନେପଦୀ

ମୋର ଅନ୍ତର୍ନିହିତ ଆତ୍ମାଟି

ଚାହୁଁଛି ମନର ମଣିଷକୁ

ଯେଉଁଠି ହୃଦୟଭରା ସ୍ନେହପ୍ରୀତିର

      ସୌଦାଗର

ପ୍ରତି ସ୍ପନ୍ଦିତ ମମତାର ଆବେଗ

    ଚିର ସୁନ୍ଦର ମଙ୍ଗଳମୟ

ଯାହାଙ୍କ ସ୍ମରଣରେ ମନନ ଚିନ୍ତନରେ

     ସ୍ପନ୍ଦନ ହେବ ବିଭୁ ପଦାରବିନ୍ଦ

ଆତ୍ମା ମୋର ଧାବନର ଇଛା

   ନିଃସ୍ଵାର୍ଥପର ଭାବନା

ସାରା ବିଶ୍ୱ ମୋର ପରିବାର

ଆତ୍ମାକୁ କେବେ ଦେଖିଛ କି?

   ନା ଆତ୍ମାକୁ ଦେଖି ହୁଏ ନାହିଁ ll

କି ସ୍ପର୍ଶ କରି ହୁଏ ନାହିଁ କି ଶୁଣି ହୁଏ ନାହିଁ

ଆତ୍ମାର ସଦାଚାର ଚାହେଁ

    ମହୀୟାନ କରେ

ଚିର ଶାଶ୍ୱତ ନିତ୍ୟ ଚିରନ୍ତନ

ମହିମା ମଣ୍ଡିତ ଚିର ପବିତ୍ର

ଜାଣିଛ, ଆତ୍ମା ଅବିନାଶି ବୋଲି?

ଆତ୍ମା ମୋର ଚାହେଁ

   ପ୍ରତିଟି ଜୀବନ ସ୍ପନ୍ଦିତ

ଚିର ଜାଗ୍ରତ ସତନାମର

    ପ୍ଲାବନ ଛୁଟାଇବା

ମୋର ଆତ୍ମାର ଧାବନ

ସଭିଙ୍କ ସୁଖ ଦୁଃଖର ଶୁଭାକାଂକ୍ଷୀ

ଏହି ମାୟା ଘେରା ଅନ୍ଧକାର

ସଂସାର ରୂପକ ସାଗରକୁ

ପ୍ରତି କ୍ଷଣେ କଳୁଷିତ ଦୂରୀଭୂତ

ଶୁଦ୍ଧ ପଵିତ୍ର ହୃଦୟ ନିର୍ମଳ

ପ୍ରତିଟି ମନ ପ୍ରାଣର ଆହ୍ୱାନ