ସମୁଦ୍ର

ନୀଳ ସମୁଦ୍ରର ତୀରରେ ବସି

        ଚିନ୍ତଇ ଭାବୁକ ସତେକି

ନୀଳ ଆକାଶଟି ମସ୍ତକରେ ଝୁଲିପଡେ

        ଆହାକି ଅପୂର୍ଵ ତାର ସୃଷ୍ଟିର ଝଲକ

ବିଧାତାର କି ବିଧିର ଵିଧାନ

        ଲହଡିର ତରଙ୍ଗରେ ତରଙ୍ଗାଇତ ହୋଇ

କି ଚମତ୍କାର ଝଲ ମଲ

        ଉତ୍ଥାନ ପତନର ଜୁଆର ଭଟ୍ଟାରେ

କି ଅପୂର୍ଵ ଲାବଣ୍ୟର ଦୃଶ୍ୟ

        ମନମୁଗ୍ଧକର ଆକର୍ଷଣୀୟ ତାର

ତନୁରେ ସ୍ପର୍ଶ କରେ ଲବଣର ବାରି

ହୃଦୟର ସ୍ନେହର ପରଶ

         ପ୍ରତିଟି ପୁଲକେ ପୁଲକେ

ଦୂର ଦିଗବଳୟରେ ମିଶିଯାଏ ସତେ

           ସାଗରର ବିଶାଳ ଲହରୀ

କି ସୁନ୍ଦର ଅପୃର୍ବ ମନୋରମ

       ବେଳାଭୂମିର ଚତୁଃପାର୍ଶ୍ୱରେ

ଚିକଣ ପଥର ଓ ଶାମୁକାର ସ୍ପଟିକ

ନୀଳ ସମୁଦ୍ରର ଦୂରଦୂରାନ୍ତରୁ

         ଭାସି ଆସେ

ମୀନଜୀବି ମାନଙ୍କର ଚିତ୍ତାକର୍ଷକ ଦୃଶ୍ୟ

      ନୌକା ବିହାରର ପାଲଟଣା

ମନେ ପଡେ କେତେ ସ୍ମୃତିରାଜି 

      ଅନେକ କଳ୍ପନା ଜଳ୍ପନା

ଏ ସବୁ ବାହୁଲ୍ୟ ମାତ୍ର

ନୀଳ ସମୁଦ୍ର ର ଉପମା

ତୁଳନା କେ ଦେଇ ପାରିବକି??