ସୁଯୋଗ କରନା ହାତଛଡା
ସୁଯୋଗ କରନା ହାତଛଡା
ଅନୁକୂଳ ସ୍ଥିତି ସୁବିଧା ସୁଯୋଗ
ଜୀବନେ ସୁଅବସର
ଆସଇ କ୍ୱଚିତ କିଛିକ୍ଷଣ ପାଇଁ
ମିଳେ ନାହିଁ ବାରବାର ।
ଅଭିଜ୍ଞ ମଣିଷ ପରଖଇ ସ୍ଥିତି
ଖଟାଏ ବିବେକ ଜ୍ଞାନ
ନିର୍ଘଣ୍ଟ କରଇ ସ୍ଥାନ କାଳ ପାତ୍ର
କର୍ମ କରେ ସମ୍ପାଦନ ।
ଗୁରୁ ଗୁରୁଜନ ନୀତି ଉପଦେଶ
ଦିଅଇ ଦିଗଦର୍ଶନ
ସୁପାତ୍ର ନିଶ୍ଚୟ ହିତକର ମଣେ
ସମ୍ମାନେ କରେ ଗ୍ରହଣ ।
ଆଳସ୍ୟ ବଶତଃ ନକଲେ ଉଦ୍ୟମ
ଉପଯୁକ୍ତ ସମୟରେ
ହାସଲ ହୁଏନି ସୁବିଧା ସୁଯୋଗ
ମଥା ଯେତେ ପିଟିହେଲେ ।
ମିଳେ ସହଯୋଗ ଉତ୍ତମ ସମୟେ
ଉଜ୍ଜ୍ୱଳ ଦିଶଇ ପଥ
ପ୍ରଚେଷ୍ଟା କରିଲେ ସୈ।ଭାଗ୍ୟ ସୁଫଳ
ଅବଶ୍ୟ ହୁଅଇ ପ୍ରାପ୍ତ ।
ଉନ୍ମୁକ୍ତ ପ୍ରଶସ୍ତ ହୁଏ ଭବିଷ୍ୟତ
ସମ୍ଭାବନାମୟ କର୍ମ
ହୁଏନା ସୁଯୋଗ କେବେ ହାତଛଡା
ସଠିକ ଯଦି ଉଦ୍ୟମ ।