ସୁଷମ ଖାଦ୍ୟ
ସୁଷମ ଖାଦ୍ୟ
ଶରୀର ନିମନ୍ତେ ଅତି ଆବଶ୍ୟକ
ଖାଦ୍ୟ ସୁଷମ ଉତ୍ତମ
ରଖେ ସନ୍ତୁଳିତ ଦେହ ଆଉ ମନ
ରୋଗ ହୁଏ ନିବାରଣ ।
ଶସ୍ୟ ଫଳମୂଳ ପନିପରିବାରୁ
ଶ୍ୱେତସାର ଖାଦ୍ୟପ୍ରାଣ
ଚର୍ବି ତୈଳଯୁକ୍ତ ଖାଦ୍ୟ ସ୍ନେହସାରୁ
ଶକ୍ତି ହୁଏ ଆହରଣ ।
ଦୁଗ୍ଧ ଦହି ଘୃତ ଅଣ୍ଡା ମାଛ ମା°ସ
ଖାଦ୍ୟ ଅଟେ ପୁଷ୍ଟିସାର
ଖଣିଜ ଲବଣ ଭିନ୍ନ ଖାଦ୍ୟପ୍ରାଣ
ଆହାରରେ ଦରକାର ।
ତନ୍ତୁଯୁକ୍ତ ଖାଦ୍ୟ ଶାଗ ଫଳମୂଳ
କମିଗଲେ ଖାଦ୍ୟପ୍ରାଣ
ହୁଏ ମେଦବୃଦ୍ଧି ମଧୁମେହ ବ୍ୟାଧି
ହୃଦୟଘାତ କାରଣ ।
ଅସ୍ଥି ମଜବୁତ କାଲସିୟମ କରେ
ଖଣିଜ ଫସଫରସ
ଆଣ୍ଟି ଅକ୍ସିଡାଣ୍ଟ ହରେ ବିଷକ୍ରିୟା
ବିଶୁଦ୍ଧ କରଇ ରକ୍ତ ।
ବୟସାନୁସାରେ ଲିଙ୍ଗ ଅନୁସାରେ
କାଲୋରୀର ଅନୁପାତ
ଖାଦ୍ୟର ଚାହିଦା କର୍ମ ପରିଶ୍ରମେ
ଭିନ୍ନେ ହୁଏ ସ୍ଥିରୀକୃତ ।
ସୋଡିୟମ ଆଦି ରସାୟନ ଯୁକ୍ତ
ସ°ରକ୍ଷିତ ଡବାଖାଦ୍ୟ
ବଢାଏ ଓଜନ ଅଟେ କ୍ଷତିକର
ସୃଷ୍ଟି କରେ ନାନା ରୋଗ ।
ବଢେ ରକ୍ତଚାପ ଅସାଧ୍ୟ କର୍କଟ
ଧମନୀ ହୁଅଇ ରୁଦ୍ଧ
ଉପଯୋଗୀ ଏଣୁ ବ୍ୟାୟାମ ସହିତ
ସୁଷମ ଉତ୍ତମ ଖାଦ୍ୟ ।
ଖାଦ୍ୟର ଚୟନେ ପ୍ରସ୍ତୁତି କରଣେ
ଅଥବା ପରିବେଷଣେ
ମାଆଙ୍କ ଶରଧା ରହିଥିଲେ ମିଶି
ଲାଗେ ଅମୃତ ସମାନେ ।
---