ଲାଇବ୍ରେରୀ
ପ୍ରୋଫାଇଲ୍
ସୁନ୍ଦର ଶୈଶବ
ସୁନ୍ଦର ଶୈଶବ
1 min
313
ସୁନ୍ଦର ଶୈଶବ
ଛଳନା ରହିତ
ଖେଳିବାକୁ ଖୋଜୁ
-ଥାଏ ଗୋଟେ ମିତ
ରାଗ ଦ୍ୱେଷ ଭୟ
ତା'ର ତ ନଥାଏ
ମାଆ ର ସ୍ନେହକୁ
ଆଦରିଣ ରୁହେ
ଭୋକ ଶୋଷ ହେଲେ
ନ ପାରଇ ବୁଝି
କଅଁଳ ସ୍ୱରରେ
କାନ୍ଦେ ଲୁହେ ଭିଜି
ପେଟ ପୁରିଗଲେ
କିବା ଆଉ ଚିନ୍ତା
କୌତୁକେ ମାତେ ସେ
କହି କେତେ କଥା
କୁନି କୁନି ତୁଣ୍ଡେ
ତୁନି ତୁନି କହେ
ମାଆ ଡାକ ତା'ର
ଭାରି ମନ ମୋହେ
ମାଆ ବକ୍ଷାମୃତ
ତାହାରି ଜୀବନ
ନିଶ୍ଚିନ୍ତରେ ତହିଁ
କରେ ସେ ଶୟନ
ମାଆ ତା'ର ସାହା
ମାଆ ତା'ର ରାହା
ମାଆ ବିନା କିଏ
କହିବ ଯେ ଆହା
ମାଆର ପଣତ
ଶ୍ରୀମନ୍ଦିର ନେତ
ତା'ପାଦେ ଜଗତ
କରେ ମଥା ନତ
