ସୁନାପିଲା

ଆମରି ଘର ଭାରି ସୁନ୍ଦର

 ଭଉଣୀ ବାପା ମାଆ

କରନ୍ତି ସ୍ନେହ କେତେ ଆଦର

 ଆମର ଦେଖା ଚାହାଁ ।

ମୁଣ୍ଡର ଝାଳ ତୁଣ୍ଡରେ ଭରି

 ପେଟରେ ମାରି ଭୋକ

ଚାହାନ୍ତି ସିଏ ମୋ ପୁଅ ଝିଅ

 ପଢୁ ବହୁତ ପାଠ ।

ବିଦ୍ୟାଳୟରେ ଗୁରୁ ଶିକ୍ଷକ

 ଦିଅନ୍ତି ଉପଦେଶ

ମନ ଲଗାଇ ପଢ ବାଳକେ

 ହୋଇବ ସୁମଣିଷ ।

ଦିଅନ୍ତି ଶିକ୍ଷା ନାନା ବିଷୟ

 ଜ୍ଞାନ ବିଜ୍ଞାନ ନୀତି

ଅଭ୍ୟାସ ବଳେ ସୁଛାତ୍ର ଛାତ୍ରୀ

 ପାଏ ପ୍ରଶଂସା ଖ୍ୟାତି ।

ଆମ ଜୀବନ ଉନ୍ନତି ଅଟେ

 ସମାଜ ମୂଳ ଲକ୍ଷ୍ୟ

ସୁଷମ ଶିକ୍ଷା ଭଲ ବ୍ୟବସ୍ଥା

 ଶିକ୍ଷା ଆଲୋକ ଉତ୍ସ ।

ଆକାଶେ ଥାଏ ବହୁ ତାରକା

 ଉଜ୍ଜ୍ୱଳ ଦିଶେ ଚନ୍ଦ୍ର

ସୁଛାତ୍ର ଛାତ୍ରୀ ଦେଶ ଦେଶର

 ରଖଇ ଯଶ ନାମ ।

ପଶୁଙ୍କ ପରି ଜନ୍ମି ସନ୍ତାନ

 ବଞ୍ଚିବା ଅଭିଶାପ

ମାନବ ଅଟେ ଶ୍ରେଷ୍ଠ ସମ୍ବଳ

 ବିବେକ ଜ୍ଞାନ ରୂପ ।

ଶିକ୍ଷା ଓ ଦୀକ୍ଷା ସୁମନୋଯୋଗ

 ସୁଉପଯୁକ୍ତ ଧ୍ୟାନ

ସୁପିତାମାତା କର୍ମ କର୍ତ୍ତବ୍ୟ

 ଅଟେ ସଂସାର ଧର୍ମ ।

ଅଭିଭାବକ ଗୁରୁ ଶିକ୍ଷକ

 ସୁସହଯୋଗେ ସିନା

ଜ୍ଞାନ ମହତ ଯଜ୍ଞ ସଫଳ

 ହୋଇବ ସମ୍ପାଦନା ।

ହେଉ ସୁଗୁଣ ନୀତି ଆଦର୍ଶ

 ସୁଛାତ୍ର ସମାଦର

ସୁନାଗରିକ ଦେଶ ଗଠନ

 ସୁଶିକ୍ଷା ଗୁଣୋତ୍ତର ।

ସୁପୁତ୍ର ପୁତ୍ରୀ ସୁପାତ୍ର ହେଲେ

 କୁଳ ଉଜ୍ଜ୍ୱଳ ହୁଏ

ପିତାମାତାଙ୍କ ସୁନାମ ବଢେ

 ସୁଖ ଆନନ୍ଦ ଲାଗେ ।

ସୁନା ପିଲାଏ ବୁଝିବା ଭଲ

 ନିରାଟ ସତ କଥା

ଭଲ ମଣିଷ ହୋଇଲେ ଆମେ

 ପାଇବା ସାର୍ଥକତା ।

  ----++++-----