ସୁନା ସଂସାର

ବୈକୁଣ୍ଠ ସମାନ ଏଇ ମୋର ଘର 

   ଲାଗେ ଶ୍ରୀମନ୍ଦିର ପରି 

ମୋ ଘର ଅଗଣା ସଦା ହସି ଉଠେ 

  ସେନେହ ଶରଧା ଝରି l

ଭାଇ ଭାଉଜ ମୋ ଚଳନ୍ତି ଠାକୁର 

  ସତେ ଅବା ରାମସୀତା 

ମୋ ସୁନା ସଂସାର ହସେ ତାଙ୍କ ପାଇଁ 

  ହୋଇ କି' ଜଗତଜିତା l

ଭାରି ସାଦାସିଧା ତ୍ୟାଗର ପ୍ରତୀକ 

  ଭାଇ ମୋ ରାମଚନ୍ଦର 

ଭାରି ସ୍ନେହମୟୀ ମମତାର ସିନ୍ଧୁ 

  ଭାଉଜ ସୀତା ମୋହର l

ବଞ୍ଚିଥିବା ଯାଏଁ ଭାଇ ଭାଉଜଙ୍କ

  ପାଖେ ସଦା ମୁଁ ରହିବି 

ଲକ୍ଷ୍ମଣଙ୍କ ପରି ନିଃସ୍ୱାର୍ଥ ଭାବରେ 

  ଦୁହିଁଙ୍କ ସେବା କରିବି l

ହସିଲା ପୁରିଲା ଏମିତି ସଂସାର 

  ଦେଖି ନାହିଁ କେଉଁଠାରେ 

ପର ଆପଣାର ଭେଦ ଭାବ ଯହିଁ 

  ନ ଥାଏ କାହା ମନରେ l

ସବୁ ଦୁଃସମୟ ଅପସରି ଯାଉ 

   ନ ଲାଗୁ କାହା ନଜର 

ହେ କଳା ଠାକୁର ତୁମ କୃପା ବଳେ 

  ହସୁ ମୋ ସୁନା ସଂସାର l