ଲାଇବ୍ରେରୀ
ପ୍ରୋଫାଇଲ୍
ଅଫିସ
ଅଫିସ
1 min
184
ଘରର ମାୟା ସବୁ ଛାଡ଼ିଦେଇ ଆସିଛି
ଜଞ୍ଜାଳ ଯେତେକ ଘୋଡେଇ ରଖି ଆସିଛି
ପେଟ ପାଇଁ ବିକି ଦେଇଛି ଆତ୍ମା
ଘଣ୍ଟାକଣ୍ଟାର ଚାବିରେ ଯୋଡି ଦେଇଛି
ମୋ ଦିନଚର୍ଯ୍ୟାର ବ୍ୟସ୍ତ ସୋପାନ
ମୋର ଏବେ ଶାନ୍ତିଭଙ୍ଗ କରନା
ମୁଁ ଏବେ ଅଫିସ ରେ ଅଛି।
ଅଫିସରଙ୍କ ତାଗିଦ ତଳେ
ଲୁଚିଛି ଫାଇଲ ସବୁର ଗତି
ଅଧଃସ୍ତନ ଉପରେ ରାଗ ସୁଝେଇ
ପ୍ରକାଶ କରିବି ନିଜ କର୍ତ୍ତବ୍ୟ ବୋଧ
ଦରକାର ବେଳେ ହାତ ମଳି କରୁଥିବି
ଅଭିନୟ ଚାଟୁକାରର ବେଶରେ।
ଯାହା କଥା ବାକି ଅଛି କରିବି ନିଶ୍ଚୟ
କିନ୍ତୁ ଛୁଟି ହେଲା ପରେ
ମୋର ଏବେ ଶାନ୍ତିଭଙ୍ଗ କରନା
ମୁଁ ଏବେ ଅଫିସ ରେ ଅଛି।
ଏ ବି ମୋ ଆଉ ଗୋଟେ ଘର
ଏଠି ମୋର ଦ୍ଵିତୀୟ ସଂସାର
ଏଇ ଘରୁ ମିଳୁଥିବା ତେଲ ଉପାର୍ଜନେ
ଚାଲିଛି ମୋ ପ୍ରଥମ ସଂସାର।
ଏବେ ତେଣୁ ବିରତି ଦିଅ ମୋତେ
ନିବୃତ ହୁଅ ମୋର ଦିଶାଭ୍ରଷ୍ଟ ପାଇଁ
କର୍ତ୍ତବ୍ୟ ମୋ ଅନେକ ପଡିଛି
ସାରିଦେଇ ଗଲେ ବୁଝିବି ମୁଁ ଘର କଥା ସବୁ
ଯେତେ ଯାହା ବାକି ରହିଛି
ମୁଁ ଏବେ ଅଫିସ ରେ ଅଛି।
