Library
Profile
ବାତ୍ୟା ପରେ
ବାତ୍ୟା ପରେ
ବାତ୍ୟା ପରେ ଆସିଛି ଦୁଃଖ
ହଜି ଯାଇଛି ସୁଖର ଦିନ
ଆସିଛି ମାଡି ବତାସ ଝଡି
ବିକଳ କେତେ ଜନ ଜୀବନ
ଲଂଘିଛି ପାରାବାର
ପ୍ରମତ୍ତ ଚିତ୍ତ ପ୍ରଳୟ ପଥେ
ଦୁନିଆ ଥର ହର l 1
ନାହିଁରେ ଆଉ ବଞ୍ଚିବା ଆଶା
ଦରିଆ ଲଂଘେ ଥରକୁ ଥର
ଜୁଆର ଆସି ଲହଡି ଭାଙ୍ଗେ
ମାଟିରେ ମିଶେ ଚାଳ ଛପର
ଉଜୁଡି ଯାଏ କ୍ଷେତ
ଗାଁ ଦାଣ୍ଡରେ ଅକାତ ପାଣି
ମିଳେନି ମୁଠେ ଭାତ ! 2
ରିଲିଫ ପାଇଁ ଆସନ୍ତି ଧାଇଁ
ଭୋକ ଉପାସେ ଆତୁର ଜନ
ପ୍ରତି ବରଷ ନାଶେ ବତାସ
ନିୟତି ସତେ କେଡେ ଦାରୁ
ଣ
ଜଳ ପ୍ରଳୟ ଆସେ
ଆଖିରେ ଲୁହ ବୁକୁରେ କୋହ
ମୁଖ ମଳିନ ଦିଶେ l 3
ପ୍ରଗତି ସୂର୍ଯ୍ୟ ଉଇଁନି ନଭେ
ବିପଦ କେବେ ଯାଇନି ଟଳି
ତୁହାକୁ ତୁହା ବାତ୍ୟା ନାଶେ
କିଏ ବା ଅଛି ତା ଠୁଁ ବଳି ?
ଜୁଆର ଆସେ ମାଡି
ଧନ ଜୀବନ ନାଶେ ପବନ
ଶୁଭେ କରୁଣ ରଡି l 4
ବାସ ହରା କେତେ ସାଗର ବିତ୍ପାତେ
ହତାଶେ କାଟନ୍ତି ଦିନ
ପ୍ରତି ବର୍ଷ ଆସେ ଦାରୁଣ ଯାତନା
ମିଳେ ନାହିଁ ପରିତ୍ରାଣ
ବିଚିତ୍ର ପ୍ରକୃତି ଗତି
ସହି ସହି ସଦା ବାତ୍ୟା ପ୍ରକୋପ
ପଥର ହେଲାଣି ଛାତି l 5
