ସୁନା ଚଢେଇ

ସୁନା ଚଢେଇ ରୂପା ଚଢେଇ ମୋ ମନ ଚଢେଇ 

ଉଡିଉଡି ଯାଆରେ ତୋ ଡେଣା ହଲାଇ ।

ଦେଉଛିରେ ଝାଡିଝୁଡି ତୋ ମଳିଧୂଳି

ଲାଗିବନି ପକ୍ଷକୁ ତୋ ଓଜନ ଭାରି

ଥକ୍କା ହେଲେ ବସିଯିବୁ ଦେଖି ଗଛ ଛାଇ ।

ପ୍ରାଣନାଥ ଜଗନ୍ନାଥ ରାମକୃଷ୍ଣ ଭଜି

ପତିତପାବନ ନୀଳଚକ୍ର ଥିବୁ ହେଜି

ଦେଖିବୁରେ ଶ୍ରୀମନ୍ଦିର ଆଖି ପୂରାଇ ।

କଳି ଦ୍ୱାରାବତୀ ପୂରୀ ଗୋଲକ ବୈକୁଣ୍ଠ

ରତ୍ନ ସିଂହାସନେ ବିଜେ କାଳିଆ ସାଆନ୍ତ

ଭଉଣୀ ସୁଭଦ୍ରା ଦେବୀ ବଳରାମ ଭାଇ ।

ଗରୁଡ଼ ସ୍ତମ୍ଭ ପଛରୁ ଦେଖିବୁ ଅନାଇ

ଚକାଚକା ଦୁଇଆଖି ହାତଗୋଡ ନାହିଁ

ଦାରୁବ୍ରହ୍ମ ମୂରତି ସେ ବ୍ରହ୍ମାଣ୍ଡ ଗୋସାଇଁ ।

ତା ମହାପ୍ରସାଦ ଅନ୍ନ ଅବଢ଼ା ଶଙ୍ଖୁଡି

କୈବଲ୍ୟ କଣ ନିର୍ମାଲ୍ୟ ଭାଗ୍ୟେ ଥିଲେ ପାଇ

ମୁକତି ପଥକୁ ସଦା ରହିବୁରେ ଧ୍ୟାୟୀ ।

ସୁନା ଚଢେଇ----

   ----//---