ସୁନା ଭଉଣୀର ସୁନେଲି ରାକ୍ଷୀ
ସୁନା ଭଉଣୀର ସୁନେଲି ରାକ୍ଷୀ
ସୁନା ଭଉଣୀଟି ରହିଛି ଚାହିଁ
କେବେ ଆସିବ ସେ ରାକ୍ଷୀ ପୁନେଇଁ ।
ବରଷକେ ଥରେ ରାକ୍ଷୀ ପୁନେଇଁ
ଶ୍ରାବଣର ଶେଷ ଦିନ ଆସଇ ।
ସୁନା ଭଉଣୀଟି ଭାଇ ହାତରେ
ରାକ୍ଷୀ ବାନ୍ଧିବ ବଡ ଶରଧାରେ ।
ସୁନା ଭଉଣୀର ସୁନେଲି ରାକ୍ଷୀ
ପବିତ୍ର ବନ୍ଧନ ଅମ୍ଳାନ ସାକ୍ଷୀ ।
ରାକ୍ଷୀ ବାନ୍ଧି ମିଠା ଭାଇ ହାତରେ ।
ସିନ୍ଦୂର ଚନ୍ଦନ ଦବ ମଥାରେ
ଅକ୍ଷତ କୁସୁମ ଦବ ଲଗାଇ ।
ଶୁଭ ମନାସିବ ଭାଇର ସେହି
ଦୀପ ଜାଳି ବନ୍ଦାପନା କରିବ ।
ଭାଇର ସର୍ବ ସୁଖ ମନାସିବ
ଭାଇଟି ମୋହର ଭଲରେ ରହୁ ।
ଜଗନ୍ନାଥଙ୍କର କରୁଣା ଥାଉ
ମନରେ ଭାବେ ସୁଭଦ୍ରା ଭଉଣୀ ।
ନୀଳାଚଳେ ରାକ୍ଷୀ ବାନ୍ଧିବେ ପୁଣି
ଜଗନ୍ନାଥ ବଳରାମଙ୍କ ହାତେ ।
ରାକ୍ଷୀ ସେ ବାନ୍ଧିବେ ହରଷ ଚିତ୍ତେ
ଚକ୍ର ଆଢୁଆଳେ ଚକାନୟନ ।
ରଖିବେ ସୁଭଦ୍ରା ଭଉଣୀ ମାନ
ରାକ୍ଷୀ ନୁହେଁ ଖାଲି ରେଶମ ଡୋରି ।
ମମତା ଏଥିରେ ରହିଛି ପୂରି
ଭାଇ ଭଉଣୀ ପବିତ୍ର ବନ୍ଧନ ।
ରାକ୍ଷୀ ଅଛି ସାକ୍ଷୀ ରାକ୍ଷୀ ଅମ୍ଳାନ
ଭଉଣୀ ସୁରକ୍ଷା ଦେବ ତା ଭାଇ ।
ଏହି କାମନା ଭଉଣୀ କରଇ ।
ଭାଇ ଭଉଣୀ ରହନ୍ତୁ ଭଲରେ ।
କବି ମନେ ଏଇ କାମନା କର
ସାରା ବର୍ଷ ରହୁ ରାକ୍ଷୀର ସ୍ମୃତି ।
ପରମ୍ପରା ଆମ ମହାନ ଅତି ।