ସୁନା ଭାଇନା

(ତୋ ଲାଗି ଗୋପ ଦାଣ୍ଡ ମନା ବୃତ୍ତରେ)

ତୋ ଲାଗି ରାସ୍ତା ଘାଟ ମନାରେ

ସୁନା ଭାଇନା 

ଭୂତାଣୁ ପେଷିଛି ଚାଇନା । 

ଦେଖୁଛି ସପନ ଦିନ ଦିପହରେ

କପଟ ତା ମାୟା ଜାଲ

ଦୁନିଆଁ ପଛକେ ନିଆଁ ଚୂଲି ହେଉ

ସିଏ କରିବ ଭେଳିକି ଖେଳ

ଚତୁରେ ଚତୁରେ ମାଡ଼ି ଯିବ ସିଏ

ତା ନାମରେ ଉଡିବ ବାନା ।

ତୋ ଲାଗି ରାସ୍ତା ଘାଟ ମନା....

ଲୋକେ ରହିଥିବେ ଗୃହେ ବନ୍ଦୀ ହୋଇ

ରୋଗେ ହୋଇ ଭୟଭୀତ

ଧୋଉଥିବେ ହାତ ସାବୁନୁ ଫେଣରେ

ଭାରି ହେବେ ହନ୍ତସନ୍ତ

ବନ୍ଦ ହୋଇଯିବ ବେପାର ବଣିଜ

ସିଏ କଷିବ କୋଭିଡି ଚୂନା ।

ତୋ ଲାଗି ରାସ୍ତା ଘାଟ ମନା.....

ଚାଲାକି ତାହାର ଫାଟିଲାଣି ପାଣି

ଛନକା ଛାତିରେ ପଶିଲାଣି

ଏକଯୁଟ ହୋଇ ସାରା ବିଶ୍ୱବାସୀ

ବିରୁଦ୍ଧ ତାହାର କରିଲେଣି

ଶସ୍ତା ତା ସାମଗ୍ରୀ ବରଜନ କରି

ତାର ବୁଲାଇବେ କଳାକନା ।

ତୋ ଲାଗି ରାସ୍ତା ଘାଟ ମନା.....

ଆପଣା ଶକ୍ତିରେ ସ୍ୱଦେଶୀ ମନ୍ତ୍ରରେ

ହୋଇବା ଆସ ଦୀକ୍ଷିତ

ସ୍ୱ।ବଲମ୍ବୀ ହେବା ମହତେ ବଞ୍ଚିବା

ପତାଇବା ନାହିଁ ହାତ

ଦୂର ହୋଇଯିବ ଅମା ଅନ୍ଧକାର

ବନ୍ଧୁ ବ୍ୟସ୍ତ ହୁଅ ନାହିଁ ଜମା ।

ତୋ ଲାଗି ରାସ୍ତା ଘାଟ ମନା...।।