ସୁବାଷ ବୋଷ

ଦେଖ ଦେଖ ଆଜି ଜାତୀୟ ପତାକା

ଉଡୁ ଅଛି ଫର ଫର

ହୋଇ ରାଜନେତା ରୁଣ୍ଡିଭୁତ, ନିଜକୁ 

ମଣନ୍ତି ଓ କୁହନ୍ତି ବୀର ।

ଦେଶର ଆଇନ ରକ୍ଷକ, ସବୁଠାରୁ 

ହୋଇଛନ୍ତି ବଡ଼ ଚୋର

ସବୁ ଯୁଗ ପରି ପୋଲିସ ସେଠାରେ 

ନୁଆଁଇ ଅଛନ୍ତି ଶିର ।

ଦିଅନ୍ତି ଭାଷଣ ଟଙ୍କା ଦଳି ଧରି ନିଜ 

ଦଳ ପାଇଁ ନକରି କିଛି ତ କାମ

ସ୍ୟାର୍ଥରେ ରଖନ୍ତି ଖୋଳପା ମାତୃଭକ୍ତି 

ଛାପ, ହୃଦେ ନାହିଁ ଦେଶ ପ୍ରେମ ।

ମାତୃଭୂମି ଠାରୁ ବଡ଼ ଅଛି କି କେହି 

ଏ ଦୁନିଆ ଭିତରେ

କୁଆଡୁ ବୁଝିବେ ପୁଂଜିପତି ଗୋଷ୍ଠୀ, ଟଙ୍କା 

ଠକି ହୁଅନ୍ତି ଫୁର୍ ରେ ।

ମନେପଡେ ଉତ୍କଳ ମାଟିର ପୁଅ,

ମାଟି ମାଆର ସୁରକ୍ଷା ପାଇଁ

ସ୍ୟାଧୀନତା ଫୌଜୀଟିଏ ହେଲା

ତ୍ୟାଗ କରି ଓ ଜୀବନ ଦେଇ।

ମୁଁ କହୁଛି ସୁବାଷ, ସମ୍ମିଳିତ ହୁଅ, 

ରକ୍ତ ଦିଅ ମା ମାଟି ପାଇଁ

ସ୍ବାଧୀନତା ପାଇବା, ବ୍ରିଟିଶ ‌ହଟିବ,

ସେ ବଜ୍ର ନିନାଦ ଆଉ ଶୁଭୁନାହିଁ ।

ସୁବାଷ ଭାବିଲା, ମାଆଟି ଦେଇଛି 

ପାଣି ପବନ ତା'ର

ତାହାରି କୋଳେ ନାଚିକୁଦି ଶୈଶବ 

ହୋଇଛି ପାର ।

ସେହି ସ୍ନେହର ଋଣ ଶୁଝିବା ପାଇଁ

ବାନ୍ଧିଲା ମନେ ମୋହ ଓ ମାନ

ରଖିବାକୁ ମାନ ଶତ୍ରୁ ବୁକୁରେ ଢାଳିବ

 ଗୁଳି, ଯାଉ ପଛେ ତା ଜୀବନ ।

ଜୀବନ ନାଟକଟେ ବନ୍ଧୁ, ତାର ମହତ୍ତ୍ଵ

 ସୁବାଷ ବୁଝି ପାରିଲା

ଦି ଦିନ ପାଇଁକି ଅଭିନୟ ଚାଲେ, ତେବେ

 ଡରିବ କିଆଁ ଭଲା ।

ସମ୍ବିଧାନର କେଉଁଥିରେ ଲେଖା ଅଛି 

ପୁଞ୍ଜିପତି ଶୋଷଣ କରିବା

ସେହି ଶୋଷଣକୁ ଆଇନର ଧାରାରେ

ପୁଞ୍ଜିପତି ପାଇଁ ଅସ୍ତ୍ର ଯୋଗାଇବା ।

ଦୁଃଖ ଲାଗେ ଆଜି, ପ୍ରକୃତ ସଂଗ୍ରାମୀ 

ଫଟୋରେ ଉଈ ଖାଏ

କିନ୍ତୁ, ମିଛ, ଅତ୍ୟାଚାରୀ, ଅହଂକାରୀ ର 

ପୋଷ୍ଟର ଜୋର ସେ ଛପା ଯାଏ ।

ମନ୍ତ୍ରୀ ନାମ ସ୍ଲୋଗାନରେ ପଡୁଛି ଉଠୁଛି, 

ଖୋସାମଦିଆର ସଂଖ୍ୟା ବଢ଼ିଛନ୍ତି

ତ୍ରିରଙ୍ଗା ପତାକା, ଜାତୀୟ ସଙ୍ଗୀତ, ବ୍ରିଟିଶ ଶାସନ ଗୋଡାଣିଆ ଦାୟାଦ ମାନେ ମିଛେ ଉଡ଼ାଉଛନ୍ତି ।