ସତ୍ୟର ଅନୁସନ୍ଧାନ

କିଏ କହିବ ମୋତେ...

ସତ୍ୟ ମିଳିବ କୋଉଠି,

ଆଜି ଏଠି...

ପରସ୍ତ ପରସ୍ତ ଠକାମି,

ପୁରା ପ୍ରତ୍ୟୁଷରୁ ରଜନୀ ।

ବିନା ଉତ୍କୋଚରେ ବାବୁ,

କଥା ହେବେନି ଆଉ,

ମିଥ୍ୟା ରାଣରେ...

ଅବଧି ଯାଉଥିବ ବଢ଼ି,

ଅଧର୍ମ ବିତ୍ତ ପାଇଁ ।

ସତ୍ୟର ଅନୁସନ୍ଧାନେ ଯିବା...

ଥରେ ପବିତ୍ର ଦେବାଳୟ,

ଏଠି ତ...

ଈଶ୍ୱର ରହିଥାନ୍ତି ଶାନ୍ତ,

ଆଉ ସେବକ ଅଳଙ୍କୃତ ।

ଧର୍ମର କୁହନ୍ତି ନ୍ୟାୟାଳୟ,

ଧର୍ମେ ଅଧର୍ମର ଜୟ,

ସବୁ ଓଲଟା...

କରୁକରୁ ପାପ-ପୁଣ୍ୟର ହିସାବ,

ସତ୍ୟର ହୋଇଛି ବିଲୁପ୍ତ ।

ମଣିଷ ମଣିଷର ଭଗାରୀ,

ସତ୍ୟ ବିଲୁପ୍ତେ କିଏ ଦାୟୀ,

ସବୁ ଲୋକ...

ନିମିଷକେ ହେବେ ମାଲାମାଲ,

ଦେଖେଇ ଅଧର୍ମର କମାଲ ।