ସତେ ମୁଁ ଦେଖୁଛି ପରି ରାଇଜ କାହାଣୀ

କାହିଁ ପ୍ରିୟା ଲାଗେ ମୋତେ

   ତୁ ଥିଲେ ମୋ ସାଥେ ସାଥେ

     ସତେ ମୁଁ ଦେଖୁଛି କେଉଁ

        ପରି ରାଇଜ କାହାଣୀ ।

କାହିଁ ପ୍ରିୟା ଲାଗେ ମୋତେ

   ହାତ ତୋର ଥିଲେ ହାତେ

      ସେ ରାଇଜ ରାଜା ମୁଁ ଲୋ

         ତୁହିଁ ଯେ ମୋହର ରାଣୀ।

କାହିଁ ପ୍ରିୟା ଲାଗେ ମୋତେ

   ଦେଖୁଥାଏ ଯେବେ ତୋତେ

       ହଜିଯାଏ ମନ ମୋର

          ତୋହରି ମୀନ ନୟନେ ।

କାହିଁ ପ୍ରିୟା ଲାଗେ ମୋତେ

   ତୁ ହସିଲେ ଆସ୍ତେ ଆସ୍ତେ

      ଘୋଟିଯାଉ ମେଘ ପରି

          ତୁହିଁ ଶୟନେ ସପନେ।

କାହିଁ ପ୍ରିୟା ଲାଗେ ମୋତେ

   ଥାଏ ଯେବେ ତୋ ସଙ୍ଗତେ

       ସତେକି ସ୍ଵର୍ଗରେ ମୁହିଁ

          ମନ ମୋର ବୃନ୍ଦାବନେ ।

କାହିଁ ପ୍ରିୟା ଲାଗେ ମୋତେ

    ମୋତେ ଖୋଜିଲେ ଏକାନ୍ତେ

        ସବୁ କାମ ଛାଡି ଯିବି

           ତୋହରି ବାହୁ ବନ୍ଦନେ।

    

କାହିଁ ପ୍ରିୟା ଲାଗେ ଡର

   ତୁ ନ ଆସିଲେ ନଜର

       ଅସ୍ଥିର ମନର ପୀଡା

         ତିଳ ତିଳ କରି ମାରେ ।

କାହିଁ ପ୍ରିୟା ଲାଗେ ଭୟ

    ହେଲେ ତୋ ସଙ୍ଗେ ବିରହ

        ବଞ୍ଚିବି କିପରି କହ

            ତୋ ବିନୁ ଏହି ଧରାରେ।