ଷଡରିପୁ
ଷଡରିପୁ
ପଞ୍ଚ ଇନ୍ଦ୍ରିୟଟି ବାହ୍ୟ ଆବରଣ
ଷଡ଼ ରିପୁ ଅନ୍ତର୍ଗତ ର କଥା
ଭିତର ଶତ୍ରୁକୁ ଦେଖନ୍ତିନି କେହି
ହେଲେ ସେ କରଇ ଜୀବନ ବୃଥା l
କାମ ରିପୁ ଆମ ଅନ୍ତଃ ଚେତନାରେ
କାମନା ନିଆଁ ଯେ ଜଳାଇ ଦିଏ
ଆୟତ୍ତ ନ କଲେ ଆତ୍ମା ଛଟ ପଟ
ଜୀବ ହନ୍ତସନ୍ତ ହେଉ ଯେ ଥାଏ |
କ୍ରୋଧ ଅଟେ ପରା ବିସ୍ଫୋଟକ ଟିଏ
ଧ୍ୱଂସ ହୋଇଥାଏ ସର୍ବ ସୁଗୁଣ
ନିଜ କ୍ଷତି କରି ଅନ୍ୟକୁ କନ୍ଦାଏ
ଭୁଲେ ପ୍ରଭୁ ଦତ୍ତ ପ୍ରେମ ମହାନ ।
କ୍ରୋଧେ ଶାନ୍ତି ନଷ୍ଟ ସଂପର୍କରେ ଫାଟ
ବିବେକ ବିଚ଼ରା ହୋଇ ଯେ ରହେ
କ୍ରୋଧ ମଣିଷକୁ ଅଶାନ୍ତି ନିଆଁରେ
ଜାଳି ଜାଳି ପରା ଆନନ୍ଦ ପାଏ ।
କ୍ରୋଧ କୁ ଆୟତ୍ତ କରିବାର କଳା
ଶିଖି ନେଲେ ହୁଏ ଆତ୍ମା ର ଶାନ୍ତି
ସତ୍ତ୍ଵ ଗୁଣର ଏ ଗୋଟିଏ ପାଖୁଡା
ହୋଇ ପାରେ ପରା ଜୀବନ ମୁକ୍ତି ।
ଲୋଭ ଅଟେ ପରା ଷଡ଼ ରିପୁ ମଧ୍ୟେ
ପଥଭଷ୍ଟ କାରୀ ବଇରୀ ଟିଏ
ସୁପଥ କୁ କରେ କଣ୍ଟକ ମୟ ସେ
ଦୁର୍ଯ୍ୟୋଧନ ଭଳି ଲାଞ୍ଛିତ ହୁଏ ।
ମୋହ ରିପୁ ପରା ଅନ୍ତର୍ଗତେ ରହି
ବନ୍ଦ କରିଦିଏ ଜୀବନ ସ୍ରୋତ
ବିବେକାନ୍ଧ ହୁଏ ମଣିଷ ଟି ପରା
ଧୃତରାଷ୍ଟ୍ର ଭଳି ହୁଏ ସ୍ଖଳିତ ।
ଅପବାଦେ ତାର ଜୀବନ ଝୁଲା ଟି
ଭରି ଯାଇ ହୁଏ ଜୀବନ କ୍ଷୁର୍ଣ୍ଣ
ମୋକ୍ଷ ଦ୍ଵାର ହୁଏ ଭକ୍ଷ୍ୟ ଦ୍ବାର ପରା
ଜୀବନ ହୁଅଇ ତମସା ଛନ୍ନ ।
ମଦ ରିପୁ ଦିଏ ଗର୍ବ ଅଭିମାନ
ମନ ହୁଅଇ ଯେ ଅଶୁଦ୍ଧ ପରା
ଆତ୍ମା ଘାଣ୍ଟି ହୁଏ ଚିତ୍ତ ଅଶୁଦ୍ଧତା
ମୁକତି ପଥ ଯେ ଅନ୍ଧାର ଘେରା ।
ମତ୍ସର ରିପୁ ତ ଆଚ଼ାର ବିଚ଼ାର
ଚିତ୍ତ ଶୁଦ୍ଧତା କୁ ବିନଷ୍ଟ କଲେ
ଇନ୍ଦ୍ରିୟ ସଂଯମ ପର ଭ୍ରଷ୍ଟ ହୁଏ
ତମଗୁଣେ ଚିତ୍ତ ଆଚ୍ଛନ୍ନ ହୁଏ ।
ତ୍ରିଗୁଣ ମଧ୍ୟରେ ସତ୍ତ୍ଵ ଗୁଣ ଶ୍ରେଷ୍ଠ
ଷଡ ରିପୁ ସେଠି ପ୍ରଭାବହୀନ
ଅନ୍ତଃକରଣକୁ ଷଡ଼ରିପୁ ମାନେ
କରିଥାନ୍ତି ସଦା ଯେ ଆକ୍ରମଣ ।
ଅନ୍ତଃ କରଣର ସୁରକ୍ଷା ପାଇଁ କି
ଷଡ଼ରିପୁଙ୍କର ଦମନ ଲୋଡା
ଅନ୍ତଃ କରଣଟି ସୁନ୍ଦର ହୋଇଲେ
ଇନ୍ଦ୍ରିୟ ହୋଇବ ସୁପଥେ ଛିଡ଼ା |
ଷଡ଼ରିପୁ ତ୍ୟାଗୀ ଶୁଦ୍ଧତା କୁ ଡାକି
ମୁକ୍ତି ଦ୍ଵାର ପାଇଁ ରାସ୍ତା ଖୋଲିବା
ପଞ୍ଚଭୂତେ ଗଢ଼ା ଏ ଶରୀର ପରା
ପଞ୍ଚ ମହାଭୂତେ ଲୀନ ହୋଇବା |