ସୃଷ୍ଟିର ସମ୍ଭାର
ସୃଷ୍ଟିର ସମ୍ଭାର
କି ଦେଇ ପୂଜିବି ତୁମକୁ ହେ ଆଜି
ତୁମ ଗଢ଼ା ପରା ଏ ସାରା ପୃଥିବୀ
ଫୁଲ ରେ ଭରିଲ ସୁନ୍ଦର ସୁରଭି
ମନ ମୋହିନିଏ ସଭିଙ୍କର ଆଜି !
ଶ୍ରାବଣ କୁ ଦେଲ ମେଘ ର ମଲ୍ଲlର
ବସନ୍ତ କୁ ଦେଲ ସବୁଜ ଶୃଙ୍ଗାର
ଫଗୁଣେ ଭରିଲ ରଙ୍ଗ ର ଅବିର !
କେଡେ ସୁନ୍ଦର ଏ ସୃଷ୍ଟି ମନୋହର
ନ୍ୟାୟlଧୀଶ ତୁମେ ନ୍ୟାୟ ରେ ତୁମର
ନିଦାଘ ଟେ ଲୋଡ଼ା ମଣିଷ ଜୀବନେ
ଜଳଧର ଆଜି ତାହା ପାଇଁ ସିନା !
ଶାମୁକା ଦେହ ରେ ମୁକ୍ତା ଟିଏ ଦେଲ
ଜୀବନ ତାହାର ସାର୍ଥକ କରିଲ !
ପ୍ରଜାପତି ର ସେ ସୁନ୍ଦର ଡେଣାକୁ
କେତେ ଯତନ ରେ ଗଢିଲ ତାହାକୁ
ଫୁଲ ରୁ ଫୁଲ କୁ ଯାଏ ସେତ ଘୁରି
ପରାଗ ରେଣୁ ସେ ନିଜ ଦେହେ ବୋଳି !
କୋଇଲି କୁ ଦେଲ ମଧୁର ସ୍ଵନ ଟେ
କଳା ଦେହ ସିନା ସୁନ୍ଦର ମନ ଟେ !
ହଳଦୀ ରଙ୍ଗ ର ହଳଦୀ ବସନ୍ତ
ରଚିଲ ଜଗତ ତୁମେ ହିଁ ତ ନାଥ !
କେଡେ ସୁନ୍ଦର ଏ ସୃଷ୍ଟି ର ସର୍ଜନା
ତୁମ ପାଇଁ ଆଜି ଧରା ହସେ ସିନା !
ଗଢିଲ ତୁମେ ଏ ସୁନ୍ଦର ମଣିଷ
ଜ୍ଞାନ, ବୁଦ୍ଧି ଦେଇ ତାହାକୁ ଅଶେଷ !
ସବୁ ପ୍ରାଣୀ ମଧ୍ୟେ ଶ୍ରେଷ୍ଠ କରି ଦେଲ
ପ୍ରେମ ପରିଭାଷା ହୃଦେ ଭରିଦେଲ
ପ୍ରକୃତି କୋଳରେ ଶ୍ରେଷ୍ଠ ସନ୍ତାନ ଟେ
ତୁମ ରଚନାର ଶ୍ରେଷ୍ଠ କବିତା ସେ ।
